Avdelingsleiar Kvam ungdomsskule

VIL DU VERA MED Å UTVIKLA KVAMMASKULEN?
Me søkjer etter avdelingsleiar til fast 100 % stilling, ledig frå snarast, seinast innan 01.08.2020.

Kvam Ungdomsskule har 263 flotte elevar i 8.-10. klasse. Skulen har eit aktivt og godt arbeidsmiljø, og satsar blant anna på vinterfest der alle 10.klassingane deltek med musikk- eller scenearbeid. Skulen har miljøarbeidar og er pro-aktive for å fremja trivsel og hindra skulefråvær. Dette skuleåret handlar utviklingsarbeidet vårt om Fagfornyinga/ LK20 og auka fagleg trivsel. Hos oss vil du møta fagleg inspirerande og utfordrande oppgåver i gode skulebygg med fint uteområde,  sentralt plassert i Øystese i Kvam.

Rektor og 3 avdelingsleiarar er leiarteamet ved skulen. Rektor har ansvar for den totale drifta pedagogisk, administrativt og økonomisk, medan avdelingsleiarane er fag- og personal-leiarar for kvar sine trinn, 60 % leiing/40 % undervisning. Målet er tydeleg pedagogisk leiing, å vera tett på i det pedagogiske og relasjonelle arbeidet, og utvikla skulen som lærande organisasjon gjennom teamarbeid. Leiing både på individnivå og systemnivå for å utvikla eit trygt og godt skulemiljø. Leiinga arbeider tett med skule-eigar og samarbeider med PPT, helsesøster, psykolog, barnevern, utekontakt og familiesenter.

Kvammaskulen skal vere ein god stad å læra og ein god stad å vera, og me har fokus på godt og trygt skulemiljø for alle.
*Barnehagar og skular deltek i felles utviklingsarbeid med fokus på læringsmiljø og pedagogisk analyse(LP), nyare skuleforsking og oppfylgjing av kartleggingsresultat
*Klasseleiing er felles fagleg satsing på alle skular
*Skulen har støttesystem som gjev rask hjelp til elevar når behov dukkar opp
*Vårt elevsyn er at ungdom gjer så godt dei kan, og me vil stimulera lærelyst

I Kvam herad nyttar me felles leiarverktøy:

*Leiarskap- og medarbeidarskapsplattform: mestringsorientert, innovatørar og effektjegar, lagspelar og profesjonelle
*10-faktorundersøking og meistringsorientert leiarskap
* Compilo doumentbibliotek og avvikssystem
* Lean-filosofi og metodikk, med verdi for brukar i sentrum 

Arbeidsoppgåver

• personalansvar for tilsette på si avdeling
• undervisning
• fagleg ansvarleg for si avdeling
• vikararbeid, skaffa vikarar og ha opplæring med vikarar
• laga timeplanar og utarbeida rutinar/skjema/ system for skulen
• førebu og leia teammøte
• koordinera aktivitetar på trinnet 
• delta i tverrfagleg samarbeid og vera rådgjevar for eiga avdeling
• ansvar for elevane sitt psykososiale miljø
• vera personalleiar som både støttar og utfordrar
• delta i utvikling av kollektiv kapasitet ved Kvammaskulane
• støtta rektor i å driva skulen i samsvar med politiske vedtak og rammer

Kvalifikasjonar

• Godkjent pedagogisk kompetanse for undervisning på ungdomstrinn og nødvendige leiareigenskapar, jf Opplæringslova § 9-1.
• Leiarutdanning, til dømes rektorutdanninga  og/eller erfaring frå leiing
• Erfaring frå ungdomsskule er ei føremon 
• Ved ny tilsetjing vert det stilt krav om politiattest, jfr. Opplæringslova § 10-9. Attesten skal ikkje vera eldre enn 3 månadar og skal ikkje leverast med søknaden.

Personlege eigenskapar

Me legg vekt på personlege eigenskapar som: 

• ha stor arbeidskapasitet, godt humør og engasjement
• gode kommunikasjonsevner; relasjonelt, skriftleg og munnleg
• ha lyst til å vera i ei mellomleiar-rolle, og sjå at du kan gjera ein skilnad i ei slik stilling
• evne til å inspirera, rettleia, tenkja nytt og jobba målretta med utfordringar
• arbeida strukturert og systematisk
• utvikla teamarbeid og skulen som lærande organisasjon
• setja i verk og driva utviklingsprosessar på ein motiverande måte
• evne til å sjå heilskapleg og arbeida systemretta
• møta utfordringar med løysingsfokus  
• eit positivt elevsyn: ungdom er ikkje vanskelege, dei kan ha det vanskeleg 

 Me tilbyr

• godt arbeidsmiljø og teamkultur
• systemretta utvikling av Kvammaskulen med vekt på kollektiv kapasitet
• spennande, utfordrande og varierte arbeidsoppgåver
• ein skule som er på god veg inn i implementering av fagfornyinga  
• løn etter sentralt og lokalt lønnsystem
• gode offentlege pensjons- og forsikringsvilkår
  
  Generell informasjon:
  
  Den kommunale organisasjonen skal i størst mogleg grad spegla mangfaldet i befolkinga. Målet er difor å oppnå ei balansert samansetjing når det gjeld alder, kjønn og kulturell bakgrunn. Kvam herad er ein inkluderande arbeidslivsbedrift (IA) og ønskjer å leggja til rette for personar med nedsett funksjonsevne.
  I Kvam herad er det offisielle styringsmålet nynorsk. Alle tilsette i alle kommunale organ pliktar å nytta nynorsk skriftspråk i tenesta.
  Me gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje vert teke til følgje, vert søkjaren varsla om dette.