Seksjonssjef - Prosjekt og porteføljestyring

Vil du ha ei sentral rolle i prosjekt-, portefølje- og digitaliseringsarbeidet i DSB? Vi søkjer etter ein leiar med kompetanse og motivasjon til å leie seksjonen prosjekt- og porteføljestyring i avdeling for kunnskapsutvikling og digitalisering. Seksjonen skal sikre at endrings- og utviklingsarbeidet i DSB skjer styrt og med høg kvalitet.

Arbeidsoppgåver

• leie og utvikle seksjonen i tråd med overordna mål og strategiar, og verdigrunnlaget til DSB 
• bidra til avdelinga sine målsetjingar som medlem av leiargruppa til avdelinga
• vere ein pådrivar for ei heilskapleg og systematisk vidareutvikling av DSB
• pådrivar for at endrings- og utviklingsarbeid skjer styrt og med høg kvalitet
  

Kvalifikasjonar

Det er krav om: 

• relevant mastergrad eller tilsvarande grad. Bachelorgrad med lang relevant erfaring kan kompensere for kravet om mastergrad. 
• relevant leiarerfaring
• at søkaren er god i skriftleg og munnleg norsk
• kunnskap om prosjekt- og porteføljestyring
• stillinga krev at den som blir tilsett må vere tryggingsklarert før han/ho startar i jobben 

Det er ønskeleg med: 

• erfaring med gjennomføring av utviklingsprosjekt med høg digital komponent
• kjennskap til offentleg sektor og meir spesi?kt DSB sine fagområde

Personlege eigenskapar

• du er trygg i leiarrolla og har god evne til sjølvleiing
• god evne til å få til resultat gjennom andre og byggje relasjonar internt og eksternt
• heilskapstenkjande og strategisk
• god evne til raskt å setje deg inn i nye problemstillingar
• innovativ og positivt utfordrande
  

Vi tilbyr

• utfordrande leiarstilling i nyoppretta seksjon med høve for å påverke utvikling av eit spanande fagområde 
• inspirerande og utfordrande arbeidsoppgåver innanfor eit viktig samfunnsområde i utvikling
• gode høve til personleg og fagleg utvikling
• fast stilling som seksjonssjef (kode 1211) med årsløn frå kr 789 200,- til 906 000,- (ltr 79 - 84) i samsvar med kvali?kasjonar. For særleg kvali?serte søkarar kan vi vurdere høgare løn. Det blir trekt 2% lovfesta innskot til Statens pensjonskasse.
• ?eksibel arbeidstid og gode pensjons-, låne- og forsikringsordningar i Statens Pensjonskasse.

Om avdelinga, seksjonen og stillinga
Avdeling for kunnskapsutvikling og digitalisering har ansvar for å bidra til at DSB sitt innovasjonsbehov blir løyst på ein god måte. Porteføljen til avdelinga er brei, og består av følgjande område: Internasjonal seksjon, Analyse og metodeutvikling, Prosjekt- og porteføljestyring, Norges Brannskole og Nasjonalt utdanningssenter for samfunnstryggleik og beredskap.
 
Seksjonen prosjekt- og porteføljestyring er ein felles fagleg ressurs som har eit særskilt ansvar for at utvikling og effektivisering skjer styrt og med høg kvalitet. Seksjonen skal vere drivkrafta i utviklinga av DSB, der det å setje fart på digitaliseringstakta i DSB står sentralt. Seksjonen har i dag fem medarbeidarar og jobbar breitt i organisasjonen.
 
Vi ser etter deg som har lyst til å bidra til å styrke samfunnet og befolkninga si evne til å unngå uønskte hendingar og å tole påkjenningar. Du er innovativ og brukar seksjonen sine verktøy til å auke meirverdien til DSB sine leveransar og prosessar både internt og eksternt.

Generelle opplysningar
DSB legg vekt på mangfald og oppmodar difor alle kvali?serte til å søkje - uansett alder, kjønn, funksjonsevne, etnisk bakgrunn eller hol i CV. DSB jobbar for å realisere regjeringa sin inkluderingsdugnad med mål om at 5% faste nytilsetjingar i staten skal vere personar med nedsett funksjonsevne eller hol i CV. Som IA-verksemd legg vi vekt på å leggje arbeidstilhøva til rette for personar med redusert funksjonsevne.