Administrasjonssjef Institutt for finans
Norges Handelshøyskole (NHH)
- Frist 3.11.2019
- Ansettelsesform Fast
Er du vår nye administrasjonssjef ved Institutt for finans?
Om instituttet og stillinga
NHH har ledig ei fast stilling som administrasjonssjef ved Institutt for Finans. Instituttet har 17 tilsette i vitskaplege stillingar, 13 PhD-studentar, administrativ stab på tre personer (inklusiv administrasjonssjefen) og åtte tilsette i bistillingar. Det er eit internasjonalt fagmiljø, som for tida består av 12 nasjonalitetar, som forskar og underviser på nivå med dei beste finansfagmiljøa i Norden og elles i Europa. En stor del av fagstaben ved instituttet er internasjonal, og intern kommunikasjon på instituttet er i hovudsak på engelsk. Instituttet arrangerer mange faglige aktivitetar og har et stort nettverk både nasjonalt og internasjonalt.
Stillinga som administrasjonssjef krev eit nært samarbeid med instituttleiar, nestleiar og undervisningsansvarleg, og utstrakt kontakt med fagstab, PhD-studentar, NHH sin sentraladministrasjon og eksterne samarbeidspartnarar. Administrasjonssjefen leiar den administrative staben på instituttet. Ansvaret og oppgåvene er omfattande og varierte, og stiller krav til initiativ og sjølvstende. Vi søkjer ein engasjert medarbeidar med gode leiar-, samarbeids- og kommunikasjonsevner, som støttar instituttleder, nestleiar og undervisningsansvarleg og inngår i instituttet si daglege leiing.
Hovudansvar og oppgåver
- ansvar for at instituttet si leiing, tilsette og samarbeidspartnarar får støtte innan administrative oppgåver
- ansvar for analyser og rapportering av instituttet sine aktivitetar innan undervisning, forsking og formidling
- ansvar for å utarbeide og følge opp instituttet sitt budsjett og regnskap i samarbeid med instituttleiinga
- ansvar for instituttet sine nettsider og profilering av instituttet i interne og eksterne kanalar
- støtte PhD-ansvarleg i oppfølging av instituttet sine PhD-studentar
- sekretær for Instituttstyret
- personalansvar for dei administrativt tilsette på instituttet
Ein må rekne med endringar i arbeidsoppgåver og ansvar over tid.
Kvalifikasjonskrav
- høgare utdanning, fortrinnsvis på masternivå (relevant realkompetanse kan i særlege tilfelle erstatte utdanningskravet)
- relevant leiarerfaring
- gode kommunikasjonsevner, både skriftleg og munnleg på norsk og engelsk
- generelt gode datakunnskapar for handtering av ulike digitale administrative verktøy i stillinga
Det er ein føremon med
- arbeidserfaring frå eit internasjonalt miljø
- erfaring frå rutineutvikling
Personlege eigenskapar
Vi ser etter deg som er/har
- evne til å skape resultat
- sjølvstendig med gode kommunikasjons- og samarbeidsevner
- praktisk orientert
- evne til i gangsette tiltak med knappe fristar
NHH tilbyr
- varierte utfordringar
- eit stimulerande arbeidsmiljø med gode kollegaer
- fleksibel arbeidstidsordning
- gode forsikrings-, pensjons- og låneordningar i Statens pensjonskasse
- inkluderande arbeidsliv
- velferdsgode som subsidiert trening, trening i arbeidstida, bedriftshytte og gratis parkering
Stillinga har kode 1058 - administrasjonssjef og er løna etter lønnsregulativet til staten med kr. 640 200 til kr. 704 500 per år avhengig av kvalifikasjonar. For særleg kvalifiserte søkjarar kan høgare løn bli vurdert. Eit innskot på to prosent til Statens pensjonskasse blir trekt frå løna.
Generell informasjon
Den statlege arbeidsstyrken skal i størst mogleg grad spegle mangfaldet i befolkninga. Difor er det eit personalpolitisk mål å oppnå ei balansert alders- og kjønnssamansetjing og rekruttere personar med innvandrarbakgrunn og nedsett funksjonsevne.
Vi gjer merksam på at opplysningar om søkjarar kan bli offentleggjorde sjølv om søkjaren har bede om å bli unnateken frå søkjarlista. Søkjarar vil bli informerte om dette på førehand.
Dersom du ønskjer meir informasjon om stillinga, kan du ta kontakt med instituttleder Jøril Mæland, tlf. +47 55959313, e-post joril.maeland@nhh.no.
Søknadsfrist 3. november 2019.
Om arbeidsgiveren
Noregs handelshøgskole (NHH) er mellom dei leiande handelshøgskolane i Europa. NHH har eit internasjonalt akta forskingsmiljø og
er førstevalet for studentar som skal ta økonomisk-administrativ utdanning i Noreg. NHH har 3400 studentar og 400 tilsette.
- Sektor: Offentlig
- Lederkategori: Leder
- Sted: Helleveien 30, 5045 Bergen
- Bransje: Forskning, utdanning og vitenskap, Økonomi og regnskap
- Stillingsfunksjon: Ledelse
- FINN-kode 160504387
- Sist endret