Avdelingsdirektør i Folkehelseavdelinga

Vil du vera med å bidra til utvikling og faglig høy kvalitet innen områder av stor samfunnsmessig betydning, og vera med på å bidra til at befolkninga får gode og likeverdige helse- og omsorgstenester? Da kan dette vera jobben for deg! 

Vi søkjer etter ein engasjert avdelingsdirektør til Seksjon for ernæring og mattryggleik i Folkehelseavdelinga.

Avdelinga har ansvaret for utvikling og oppfølging av folkehelsepolitikken og koordinering av det tverrdepartementale folkehelsearbeidet. Avdelingsdirektøren må ha interesse for folkehelsearbeid og verkemiddelbruk på dette området.

Seksjon for ernæring og mattryggleik har ansvar for områda kosthald og ernæring, mattryggleik, drikkevatn og kosmetikk. Viktige utfordringar for seksjonen er å leggje til rette for at folk har eit sunt kosthald og medverke til at maten er trygg og drikkevatnet er trygt gjennom regelverksutvikling og Mattilsynets tilsyn. Internasjonalt samarbeid, herunder arbeid knytt til EU/EØS, er ein viktig del av seksjonen sine oppgåver. Seksjonen deltek i etatstyring av Helsedirektoratet, Mattilsynet og Folkehelseinstituttet.

Avdelingsdirektøren rapporterer til ekspedisjonssjefen i avdelinga og er med i leiargruppa i avdelinga.

• Varigheit:
  • Fast 
• Stillinga er ledig fra:
  • 01.02.20
• Stillingsbrøk:
  • 100 % 
• Søknadsfrist: 
  •  18.10.19

• Du må 
  • ha høgare utdanning, relevant arbeidsrøynsle og kjennskap til fagområda i seksjonen
  • ha kjennskap til offentlege avgjersleprosessar og verkemiddelbruk
  • ha god rolleforståing og kunne forstå politiske prosessar
  • røynsle frå offentleg sektor
  • kjennskap til internasjonalt arbeid på feltet
  • ha god skriftleg og munnleg framstillingsevne på norsk og engelsk
  • kunne tryggleiks klarerast 

• har leiareigenskapar
• tek initiativ, har god gjennomføringsevne og kommuniserer klårt og forståeleg
• evner å utvikle ansvarsområda, gjennomføre prosessar, utøve skjøn og ta avgjersler
• er ein raus og omgjengeleg person som evner å motivere kompetente medarbeidarar til å levere produkt av høg kvalitet til avtalt tid
• er oppteken av utviklinga til medarbeidarane dine
• er ein strukturert person med god arbeidskapasitet, som kan handtere korte fristar og mange saker samstundes

Vi legg vekt på personlege eigenskapar som gjer nettopp deg skikka til stillinga.

• utfordrande arbeidsoppgåver og god høve til utvikling
• eit fagleg dugande og spanande arbeidsmiljø med engasjerte og trivelege kollegaer
• 5 veker ferie, fleksitidsordning og gode velferdsordningar

Les meir om å jobbe hos HOD her: Jobbe i Helse- og omsorgsdepartementet

Løn: 800 000-950 000 kroner.

For særleg kvalifiserte søkjarar kan høgare løn vurderast

Fra lønen trekkjes 2 % innskudd til Statens pensjonskasse. Medlemskapet er ei av landets beste pensjonsordningar med gunstig bustadlån og gode forsikringsordningar.

Synes du dette høyrest interessant ut og ønskjer nærare informasjon, kontakt:

• Ekspedisjonssjef Geir Stene-Larsen 
• Telefon: 99167024.

Søknad sendast elektronisk via linken "Søk stillinga" øverst på denne siden. Vitnemål og attestar må følgje søknaden.

Etter at søknadsfristen er ute, vert det laga ei offentleg og ei utvida søkjarliste. Søkjarar som har bede om konfidensiell handsaming, kan likevel bli førte opp på søkjarlista (jf. offenteglova § 25). I så fall vert søkjarane varsla før offentleggjering.

HOD har eit personalpolitisk mål om å oppnå ein balansert alders- og kjønnssamansetnad, å rekruttere personar med innvandrarbakgrunn, å rekruttere personar med nedsett funksjonsevne, og å rekruttere uavhengig av livssyn og seksuell orientering.