Faggruppeleiar Trafikant

Trafikant- og køyretøyavdelinga (TK) i Region vest er bygd opp av regionale fagseksjonar. Trafikantseksjonen har i hovudsak ansvar for førarprøvar, kurs og andre aktivitetar retta mot publikum på 10 trafikkstasjonar, frå Egersund i sør til Nordfjordeid i nord.

Det er no ledige stilling som faggruppeleiar for førarprøvesensorane på følgjande trafikkstasjonar: Voss, Sogndal, Førde og Nordfjordeid.

Arbeidsstad blir på ein av desse trafikkstasjonane.

Som faggruppeleiar trafikant er du ein del av trafikantseksjonen si leiargruppe, og blant oppgåve- og ansvarsområda er:

• leie det operative arbeidet i eininga
• personalansvar for ca. 15 medarbeidarar i eininga
• ansvar for fagleg oppfølging og utvikling av eininga
• mål- og resultatansvar for eininga
• kontakt og samarbeid internt og mot eksterne samarbeidspartar

Relevant universitet/høgskuleutdanning, min. 3-4 år.

For kandidatar med sterk og allsidig praksis frå dei aktuelle fagområda, eventuell etterutdanning og gode personlege føresetnader for stillinga, kan kravet til utdanning fråvikast.

Vi ønskjer kandidatar med leiarerfaring og gjennomføringsevne. Du må vere samfunnsorientert, initiativrik og løysingsorientert. Personlege eigenskapar vil verte vektlagt.

Dersom du har teke heile eller delar av utdanninga di i utlandet, ber vi om ei autorisert oversetjing av dine papir og ei godkjenning frå NOKUT (www.nokut.no).

I Statens vegvesen ønskjer vi å vere profesjonelle, framtidsretta og inkluderande. Som leiar er det viktig at du

• kommuniserer og samhandlar godt, ser løysingar og kan vise handlekraft gjennom fagleg styrke
• jobbar målretta for at Statens vegvesen skal vere imøtekommande, ha omtanke for omgjevnadane og vere tilgjengeleg

Som leiar i Statens vegvesen forventar vi at du er med og utviklar ein einskapleg etat og legg vekt på resultatleiing. Alle leiarane må ta ansvar for å utvikle medarbeidarane sine og seg sjølv, og vere bevisst på at dei er rollemodellar og kulturskaparar.

Som tilsett i Statens vegvesen blir du ein del av eit engasjert og tungt fagmiljø som tenkjer nytt, deler kunnskap og jobbar tett saman. Du påverkar samfunnsutviklinga, og du får bidra til framtidsretta løysingar på fagfeltet ditt. Vi gir deg viktige oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar. Fagleg etatsopplæring blir gitt når dette er naudsynt.

Medarbeidarane våre fortel om spennande arbeidskvardagar med god balanse mellom arbeid og fritid.

Vi tilbyr også disse goda:

• introduksjonsprogram og fadderordning
• eiga leiarintroduksjonsprogram
• fleksitid og gode ordningar for avspasering
• pensjonsordning og moglegheit for lån i Statens pensjonskasse
• etatsskoler og gode moglegheiter for fagleg påfyll

Lønn vert fastsett etter nærmare avtale i tråd med etaten sin lønnspolitikk, og det vert trekt 2 prosent pensjonsinnskot til Statens pensjonskasse.

Statens vegvesen skal vere prega av mangfald, og dei tilsette hos oss skal spegle befolkninga. Vi leggvekt på å leggje arbeidsforholda til rette dersom du har behov for det.

Vi gjer merksam på at søkjarlista kan verte offentleggjord, sjølv om du har bedt om unntak frå denne. Du vil i så fall verte varsla.

Om du ønskjer fleire opplysingar om stillinga, kan du ta kontakt med seksjonsleiar Torbjørn Brosvik på mobil 40240468.