Utløpt

Kommunalsjef oppvekst og kultur

Arbeidsgiver: Madsen og Brekke AS
Stillingstittel: Kommunalsjef oppvekst og kultur
Frist: 10.05.2019
Ansettelsesform: Fast

Etne kommune søkjer kommunalsjef oppvekst og kultur.

Utvida søknadsfrist - ny søknadsfrist 10/5 - 2019.

Stillinga er ein nyoppretta 100% fast stilling.

Som kommunalsjef oppvekst og kultur rapporterer du til kommunedirektøren (rådmannen), og inngår i kommunedirektøren (rådmannen) si leiargruppa. Du leier eit viktig område som skal levere gode tenester til innbyggjarane, og du vil ha stor påverknad på utviklinga av tenestetilbodet.

Arbeidsoppgåver

Jobba saman med kommunedirektøren i overordna planlegging og strategi
Overordna økonomi- og budsjettansvar for sektoren
Samordning og koordinering av tenestene/oppgåvene som ligg til einingane i oppvekst / kultur
Styra utviklingsprosjekt innanfor oppvekst og kultur
Ansvar for saksbehandling og iverksetjing av politiske vedtak som vedkjem sektoren sitt ansvarsområde
Særleg ansvar for oppfølging av einingsleiarane i sektoren, leggje til rette for og følgje opp fag- og kvalitetsutvikling
Ansvar for interkommunalt samarbeid som ligg til sektoren

Kvalifikasjonar

Du har relevant utdanning frå universitet eller høgskule med skolefaglig kompetanse
Leiarerfaring med personalansvar, gjerne innan ulike fagområde, og spesielt innan oppvekstsektoren
Vi ser helst at du har kjennskap til offentleg verksemd
Grundig innsikt og erfaring med økonomi- og verksemdstyring
Gode munnlege og skriftlege norskkunnskapar. Tenestemålet i Etne er nynorsk

Personlege eigenskapar

Vi søkjer ein tydeleg leiar med ein inkluderande leiarstil
Gode kommunikasjonsevner og god relasjonskompetanse
Gjennomføringsevne
Evne til å tenkje heilhetleg, strategisk og langsiktig
Interesse for kultur og frivilligheit

Det vil bli lagt stor vekt på personlege eigenskapar ved tilsetjinga

Vi tilbyr

Ei sentral rolle for deg som vil vera med å påverka og utvikla lokalsamfunnet
Gode mogelegheiter for fagleg og personleg utvikling
Ein inkluderande arbeidsplass med godt arbeidsmiljø
Løn etter avtale og gode forsikrings- og pensjonsordningar

Kontaktpersonar og søknadshandtering

I samsvar med offentleglova § 25 gjer vi merksam på at opplysningar om søkaren kan offentleggjerast sjølv om det er bedt om konfidensiell behandling. Søkaren vil i tilfelle bli førehandsvarsla om dette.
Ta gjerne kontakt med vår rådgivar i Madsen og Brekke Tore Meinert, Tlf. 970 33 360 eller Brit Skjølingstad, Tlf. 902 73 340 for ein uforpliktande og fortruleg samtale. For meir informasjon om stillinga kan du også kontakte konstituert rådmann Hilde Aartun Haraldseide, tlf. 971 64 075.

Om arbeidsgiveren

Etne kommune har ca 4 100 innbyggjarar, med gode levekår for både unge og eldre og full barnehagedekning. Kommunen har arbeidsplassar innanfor landbruk, mekanisk industri, varehandel, service og ulike tenesteytande næringar. Kulturtilbodet er godt og variert, med flotte tilhøve for sport og friluftsliv.

Kommunen har ca 300 årsverk / 420 tilsette. Tenestemålet er nynorsk.

Etne er eit godt utgangspunkt for turar til byane Haugesund, Stavanger, Bergen, øyriket i Sunnhordland, Hardangerfjorden og Ryfylkefjordane. Etneelva er ei av dei mest attraktive lakseelvane på Vestlandet.

Det er over 100 aktive lag og foreiningar i kommunen, så fritidstilboda er mange.

For meir informasjon sjå www.etne.kommune.no