Utløpt

Administrasjonssjef/Rådmann

Arbeidsgiver: Bykle kommune
Stillingstittel: Administrasjonssjef/Rådmann
Frist: 15.01.2019
Ansettelsesform: Fast

Bykle kommune er på jakt etter ein strategisk, handlekraftig og omgjengeleg administrasjonssjef/rådmann som kan leie, vidareutvikle og tilpasse kommunen sine tenester. Som administrasjonssjef/rådmann vil du leie ein godt organisert og kompetent organisasjon og ha tett kontakt med politisk leiing, tilsette, tillitsvalde og kommunen sine innbyggjarar. Fokus på effektiv drift, kvalitet og økonomi er nøkkelord for denne toppleiarstillinga. ??Sentrale arbeidsoppgåver:

Leie og utvikle den kommunale verksemda
Økonomistyring og rapportering
Sakshandsaming og oppfølging av politiske vedtak
Profilere og representere kommunen
Digitalisere verksemda
Interkommunalt og regionalt samarbeid
Samfunns- og næringsutvikling

Ynskja kvalifikasjonar:

Høgare utdanning innan relevante fagfelt
Leiarutdanning og/eller leiarerfaring
Grunnleggjande økonomiforståing
Erfaring som leiar frå kommunal/offentleg verksemd

Vi ser etter deg som:

Er sosial og omgjengeleg
Er handlekraftig og har god evne til gjennomføring
Involverer og kommuniserer godt
Evnar å vere tydeleg
Er god på å byggja relasjonar og har godt humør

?Vi kan mellom anna tilby:

Ei sentral toppleiarstilling med stor påverknad på viktige samfunnsområde i nært samspel med politisk nivå
Spanande og utfordrande arbeidsoppgåver
Eit godt arbeidsmiljø med dyktige og motiverte medarbeidarar
Konkurransedyktig løn og god pensjonsordning i KLP
Flyttegodtgjersle etter eige reglement
Hjelp til å skaffe bustad

?Ved spørsmål kontakt gjerne Ordførar Jon Rolf Næss, tlf. 92834567, eller ein av våre rådgjevarar hjå Headvisor; Jan Tveit (97539990) eller Janne Siri Horne (90721164). ?Fram til søknadsfristen går ut vil alle førespurnader handsamast konfidensielt, om ynskjeleg også overfor oppdragsgjevar. I medhald til offentlighetslova § 25, 2.ledd kan opplysningar om søkjaren bli offentleggjort sjølv om søkjaren har bede om å ikkje verte oppført på søkjarlista. Du vert varsla dersom unnatak frå offentleggjering ikkje vert teke til følgje. ?Kortfatta søknad med CV sendast snarast og innan 15. januar.

Om arbeidsgiveren

Bykle kommune ligg øvst i Setesdal i Aust-Agder fylke. Det er to bygdesenter i kommunen, Bykle kyrkjebygd der kommuneadministrasjonen ligg, og turiststaden Hovden. God kommuneøkonomi har gjort det mogeleg å investere i gode tilbod innan helse- og sosial, barn - og ungdom, kultur- og fritid. Vi har særs gode aktivitetsbygg både i Bykle og på Hovden. Her kan ein oppleve ein god oppvekst, utfordrande næringsliv, eit mangfald av fritidstilbod og ein trygg alderdom. Kommunen har ca. 940 innbyggjarar. For meir informasjon, sjå www.bykle.kommune.no

Sektor: Offentlig
Lederkategori: Direktør
Sted: Sarvsvegen 14, 4754 Bykle
Bransje: Offentlig administrasjon
Stillingsfunksjon: Ledelse,; Prosjektledelse,; Økonomi og regnskap / Økonomistyring og budsjettering