Utløpt

Assisterande fagdirektør

Arbeidsgiver: Helse Vest RHF
Stillingstittel: Assisterande fagdirektør
Frist: 31.10.2018
Ansettelsesform: Fast

Fagavdelinga i Helse Vest RHF har mellom anna eit overordna og strategisk ansvar for å følgje opp det helsefaglege ansvaret som ligg til Helse Vest. Som ledd i ivaretaking av dette ansvaret har Helse Vest ei systematisk og langsiktig satsing for å vidareutvikle kvaliteten i pasientbehandlinga.

Til stillinga er det også lagt strategiske oppgåver regionalt og nasjonalt. Stillinga vil rapportere til Fagdirektøren.

Arbeidsoppgåver

Du skal delta i leiing og utøving av eit bredt spekter av oppgåver som blir utført av Fagavdelinga i Helse Vest, både innanfor rus, psykisk helsevern for barn og vaksne og somatikk. Fagavdelinga er sterkt involvert i viktig utvikling i regionen mellom anna kva gjelder kvalitet, pasientsikkerheit, utvikling av IKT-system, organisering av spesialisthelsetenesta og forbetring av arbeidsprosesser og pasientforløp. Fagavdelinga har også ansvar for forsking. Arbeidet vil både innebere oppgåver knytt til regionale prosjekter og prosessar, og samarbeid med andre regionale helseføretak, statlig forvaltning og universitet/høgskular. Reiseverksemd både i og utanfor regionen vil vere nødvendig.

Kvalifikasjonar

Aktuelle kandidatar har medisinsk embetseksamen, gjerne dr. grad og solid klinisk erfaring.
Forskingskompetanse er ønskjeleg, men ikkje eit krav.
God innsikt i speisalisthelsetenesta.
Erfaring med å leie utviklingsarbeid og prosjekt.
Evne til å arbeide sjølvstendig, strukturert og systematisk.

Utdanning

Høgskule/universitet, hovudfag / mastergrad
Medisin

Eigenskapar

Interesse for utvikling, organisering og styring av sjukehus og evne til å sjå heilskapen.
Vilje til å bidra til utvikling og nytenking.
Må trivast i eit aktivt og travelt miljø.

Vi tilbyr

Stillingsbrøk: 100%

Om arbeidsgiveren

Helse Vest RHF (regionalt helseføretak) har det overordna ansvaret for spesialisthelsetenesta i Rogaland, Hordaland og Sogn og Fjordane. Vi eig fem helseføretak; Helse Førde, Helse Bergen, Helse Fonna, Helse Stavanger og Sjukehusapoteka Vest i tillegg til Helse Vest IKT AS. Føretaksgruppa har om lag 29 000 medarbeidarar. Spesialisthelsetenesta i regionen omfattar om lag femti sjukehus og institusjonar, og gir helsetenester til i overkant av ein million innbyggjarar. Driftsbudsjettet er på om lag 29 milliardar kroner. Helse Vest RHF har kontor på Forus i Stavanger. Helse Vest skal så langt som råd avspegle mangfaldet i befolkninga. Det er derfor eit personalpolitisk mål å oppnå ein balansert alders- og kjønnssamansetnad, og å rekruttere kvalifiserte personar med innvandrarbakgrunn.

(Foto: Colorbox)

Sektor: Offentlig
Lederkategori: Direktør
Sted: Nådlandskroken 11, 4034 Stavanger
Bransje: Helse og omsorg
Stillingsfunksjon: Ledelse