Kommunikasjonsdirektør

Vi søker ein kommunikasjonsdirektør som skal leie og koordinere kommunikasjonsarbeidet på eit samfunnsområde der engasjementet er stort og debattane mange.

Arbeidsoppgåver

Som leiar av kommunikasjonseininga i departementet får du mange spennande og utfordrande oppgåver innan strategisk og operativ kommunikasjon. Kommunikasjonsdirektøren skal gje kommunikasjonsfaglege råd til politisk leiing, departementsråd, fagavdelingane i departementet og helsesektoren elles. Kommunikasjonsdirektøren har ansvar for innhald og utvikling av nettsider og bruk av sosiale medium i departementet.

Kommunikasjonsdirektøren er ein del av toppleiinga i departementet og rapporterer til departementsråd Bjørn-Inge Larsen. Kommunikasjonseininga har ti erfarne og dyktige medarbeidarar.

Vi søker ein leiar som

• har gode kommunikasjons- og samarbeidsevner
• har innsikt i politikk og forvalting
• har god rolleforståing og høg personleg integritet
• har god gjennomføringsevne
• er resultat- og utviklingsorientert
• evner å byggje gode relasjonar og samarbeide med styremakter, sektoren og brukarorganisasjonar

Vi har desse krava til kvalifikasjonar

• relevant leiarerfaring, gjerne frå ei kommunikasjonseining i eit departement
• god innsikt i politiske prosessar og forståing av offentleg styring og forvalting
• høgare utdanning på masternivå. Solid realkompetanse kan vege opp for manglande formell utdanning
• brei kommunikasjonsfagleg erfaring
• innsikt i korleis tradisjonelle og nye medium påverkar arbeidet i eit departement
• særs god skriftleg og munnleg framstillingsevne på norsk
• gode engelskkunnskapar

Den som blir tilsett, må kunne verte sikkerhetsklarert for strengt hemmeleg.

Vi tilbyr

• løn kr 900 000 – 1 100 000. For særskilt kvalifiserte søkarar kan høgare løn vurderast
• spennande og utfordrande arbeidsoppgåver
• eit fagleg kompetent arbeidsmiljø med engasjerte og trivelege kollegaer
• vi har fem veker ferie, fleksitidsordning og gode velferdsordningar

Kvinner vert oppmoda til å søke.

Ta gjerne konfidensiell og uforpliktande kontakt med Geir Fottland ISCO Group, tlf. 22 06 87 00 eller fottland@iscogroup.no. For meir informasjon kan departementsråd Bjørn-Inge Larsen, tlf. 22 24 84 07 eller ekspedisjonssjef Ole T. Andersen, tlf. 22 24 83 66 kontaktast. Registrer søknad med CV så snart som råd, og seinast innan 25. oktober 2018 på iscogroup.no.

Etter at søknadsfristen er ute, vert det utarbeida ei offentleg søkarliste. Vi gjer merksam på at dersom du har eit ønske om unntak frå offentleggjering må du grunngi dette og legge ved søknaden. Søkarar som har bede om konfidensiell handsaming, kan likevel førast opp på søkarlista. I så fall vert søkaren varsla før offentleggjering.