Utløpt

Psykiater som seksjonsleiar ved Øyane DPS, psykose- og rehabiliteringspoliklinikken

Arbeidsgiver: Helse Bergen
Stillingstittel: Psykiater som seksjonsleiar ved Øyane DPS, psykose- og rehabiliteringspoliklinikken
Frist: 21.10.2018
Ansettelsesform: Fast

Bli kjent med Haukeland universitetssjukehus

Vi byggjer vidare på vårt flotte psykiaterteam ved Øyane DPS og ynskjer deg med interesse for psykose velkommen. Vi har ledig 100% stilling som seksjonsleiar ved psykose- og rehabiliteringspoliklinikken. Oppstart etter avtale. Søkjare som ynskjer å arbeide deltid kan også søkje.

Øyane DPS er eit av tre DPS knytta til Divisjon psykisk helsevern ved Haukeland universitetssjukehus. Øyane DPS flytta inn i nye og moderne lokale i 2011. Klinikken er lokalisert i bynære omgjevnadar om lag 15-20 minuttars køyring frå Bergen sentrum. Det er høve for parkering.

Øyane DPS har sektoransvar for fire kommunar med om lag 46 000 innbyggjarar over 18 år. Klinikken består av allmennpsykiatrisk poliklinikk (med ambulant akutteam, AAT), allmennpsykiatrisk døgnseksjon med 12 senger, psykose døgnseksjon med 8 senger (kor ei av sengene er brukarstyrt) og psykose/ rehabiliteringspoliklinikk. Alle seksjonane er godkjende tenestestadar for LIS.

Psykose- og rehabiliteringspoliklinikken er eiga seksjon, men er lokalisert saman med døgnseksjonen. Poliklinikken følgjer opp pasientane før, under og etter innlegging. Poliklinikkens behandlarar har og ansvar for døgnseksjonen. Dei består av overlege i 100% stilling, overlege 20%, to psykologar, to psykiatriske sjukepleiarar og ein LIS. Poliklinikken har 2500 konsultasjonar årleg. Seksjonsleiar i rehabiliteringspoliklinikken er fagansvarleg på døgnseksjon. Seksjonen arbeider tett med TOPS og Tidleg psykose ved Sandviken sjukehus og deltar i psykoseprosjekt i divisjonen psykisk helsevern. Seksjonen gjer systematisk rettleiing til bufellesskap og kommune. Ambulant oppfølging er ein del av oppgåvene til behandlarane ved poliklinikken.

Det vert lagt stor vekt på fagleg utvikling gjennom deltaking på kurs og konferansar samt høve til fordjuping og vidareutdanning. Vi er fleksible og lydhøyre for interesser, ønskjer og behov. Forsking knytta til stillinga kan bli tilrettelagd.

Seksjonsleier i rehabiliteringspoliklinikken møter kvar veke på leiarmøte. Linjeleiar er klinikkdirektør. Overlegar og LIS møtast kvar veke til fagleg og sosial lunsj.

Seksjonsleier er ein viktig medspelar i vidareutviklinga av eit godt tilbod til psykosepasientane i opptaksområdet. Vi skal styrkje og utvide tilbodet i samarbeid med kommunane. Vi har familiegrupper, musikkterapigruppe, psykoedukativ samtalegruppe, IMR-kurs (illness management and recovery). Vi arbeider vidare med utvikling av dagbehandling som alternativ til døgnbehandling. Seksjonsleiar vil ha ei nøkkelrolle i dette arbeidet.

Arbeidsoppgåver

Fagleg ansvarleg for psykose- og rehabiliteringspoliklinikk og -sengepost.
Budsjett- og resultatansvar for poliklinikken
Tilrettelegging av arbeid og samarbeid med tilsette i poliklinikk og sengepost, samt samhandling med kommunane
Pasientoppfølging
HMS-ansvar

Kvalifikasjonar

Norsk autorisasjon som lege og spesialist i psykiatri
Norsk skriftleg og munnleg
Erfaring frå tverrfagleg samarbeid
Kunnskap om DIPS og andre fagsystem

Utdanning

Medisin
Profesjonsstudium

Eigenskapar

Strukturert
Pasientorientert
Beslutningsdyktig
Trivast med å arbeide i tverrfagleg team
Personleg egnethet.

Vi tilbyr

Stillingsbrøk: 100%
Lønn etter avtale
Triveleg arbeidsmiljø, fleksibilitet i arbeidstida
Høgt, fagleg nivå og godt samarbeid med dei andre DPSa i Helse-Bergen og ATP
Høve for fagleg og personleg utvikling
Eiga parkeringsplass i garasje
IA-bedrift

Om arbeidsgiveren

Helse Bergen, Haukeland universitetssjukehus, har over 12.000 tilsette som har som mål å gi best mogleg behandling og pleie til pasientane våre, og rett opplæring til våre pasientar og pårørande. Kvart år behandlar vi over 800.000 pasientar og bidreg i utdanninga av eit par tusen helsearbeidarar. Forsking er ei viktig oppgåve, og vi er blant dei fremste i landet innanfor dette feltet. Les meir på www.helse-bergen.no eller facebook.

Sektor: Offentlig
Lederkategori: Fagleder
Sted: Blombakkane 75, 5341 Straume
Bransje: Helse og omsorg
Stillingsfunksjon: Lege / Psykiater