Utløpt

Leiar for ny samhandlingsseksjon

Stillingstittel: Leiar for ny samhandlingsseksjon
Frist: 03.09.2018
Ansettelsesform: Fast

Bli kjent med Haukeland universitetssjukehus

Helse Bergen styrker samhandlingsarbeidet og etablerer ein eigen samhandlingsseksjon.
Den nyetablerte eininga skal være tett knytt opp til leiinga i føretaket og leiar for samhandlingsseksjonen vil rapportere til vår nye viseadministrerande direktør Randi-Luise Møgster.

Sentrale oppgåver for eininga er å vere pådrivar for utvikling av samhandlingsarbeidet på overordna nivå.
Den gode oppfølginga av pasientane saman med kommunane skal framleis gjennomførast i den enkelte klinikk/avdeling. Oppgåver som samhandlingsseksjonen har ansvaret for er:
.Støtte regionssjukehuset i gjennomføring av føretaket sin strategi for samhandlingsarbeid.
.Koordinere det interne samhandlingsarbeidet
.Prosessleiing/-støtte i dei formelle samhandlingsaktivitetane med kommunane. Her ligg og oppfølging av praksiskonsulentane (PKO)
.Prosjektleiing/-støtte inn mot samhandlingsområdet
.Overordna oppfølging av brukarmedverknad for å gje oss det rette pasientperspektivet i alt vi gjer
Sjå saman.no

Den nye eininga vil bestå av få, men kompetente rådgivarar med variert erfaringsbakgrunn som femner om pasientbehandling - pasientforløp - IKT - organisasjon - juss - kommunikasjon.

Som seksjonsleiar er du ein pådrivar i arbeidet for å støtte regionssjukehuset i samhandlingsarbeidet. I møte med kommunane er du ein synleg og konstruktiv representant for regionssjukehuset. Vi søkjer deg som er god i dialog, oppmerksam på kva som er viktig i god formidling og som samstundes når måla som er sett. Du vil arbeide tett saman med viseadministrerande direktør, leiinga og dei enkelte klinikkane på regionssjukehuset.

Arbeidsoppgåver

Vere rådgivar og gi støtte til toppleiinga i spørsmål om samhandling
Bidra til utvikling av gode arenaer og fora for samhandling og brukarmedverknad
Sikre at eininga gir god støtte til klinikkane i samhandlingsarbeidet
Personal- og økonomiansvar for den nye seksjonen
Ansvar for fagleg utvikling av dei tilsette i seksjonen som sikrar at eininga er tilpassa framtidige oppgåver

Kvalifikasjonar

Relevant høgare utdanning
God kunnskap om spesialisthelsetenesta, primærhelsetenesta og kommunestruktur
Kunnskap om beslutningssprosessar i offentleg sektor
Erfaring frå endring- og forbetringsarbeid
Erfaring med prosjekt-/utviklingsarbeid
Kjennskap til dei samla helsetenestene og god systemforståing
Erfaring frå komplekse utgreiingsoppgåver
God i skriftleg og munnleg kommunikasjon

Utdanning

Høgskule/universitet, hovudfag / mastergrad
Sjukepleie, medisin, helsefag, psykologi eller annan relevant utdanning

Eigenskapar

Høg gjennomføringsevne med gode resultat frå å koordinere komplekse prosessar
Organisasjonsforståing
Arbeider strukturert og målretta med ein involverande leiarstil
Endringsvillig og initiativrik
Tek ansvar for å bidra til eit triveleg arbeidsmiljø
Ein god nettverksbyggar, både internt og eksternt
Leverer gode resultat gjennom å skape tverrfagleg samarbeid og kompetansebygging på tvers
Robust og gode strategiske eigenskapar
God kommunikasjonsevne

Vi tilbyr

Stillingsbrøk: 100%
Lønn etter avtale
Konkurransedyktig pensjonsordning. Yrkesskadeforsikring, gruppelivsforsikring og tenestereiseforsikring

Om arbeidsgiveren

Helse Bergen, Haukeland universitetssjukehus, har over 12.000 tilsette som har som mål å gi best mogleg behandling og pleie til pasientane våre, og rett opplæring til våre pasientar og pårørande. Kvart år behandlar vi over 800.000 pasientar og bidreg i utdanninga av eit par tusen helsearbeidarar. Forsking er ei viktig oppgåve, og vi er blant dei fremste i landet innanfor dette feltet. Les meir på www.helse-bergen.no eller facebook.

Sektor: Offentlig
Lederkategori: Leder
Sted: Jonas Liesvei 65, 5021 Bergen
Bransje: Helse og omsorg
Stillingsfunksjon: Ledelse