Reinhaldsleiar

Driftstenesta har ledig fast stilling som reinhaldsleiar

Samlokalisering av Mo og Øyrane vidaregåande skule og Fagskulen i Sogn og Fjordane er gjennomført. Det er sett opp reinhaldsplan for samla areal for desse to skulane i tillegg til Hafstad vidaregåande skule. I samband med den nye reinhaldsplanen skal Mo og Øyrane vidaregåande skule, Hafstad vidaregåande skule og Fagskulen i Sogn og Fjordane teste ut samla reinhaldsressurs med ein leiande reinhaldar som skal ha personalansvar.

Arbeidsoppgåver:

• Om lag 60% administrativ stilling og 40% som reinhaldsoperatør 
• Dagleg leiarskap for sine einingar og følgje opp brukaravtale 
• Koordinere samarbeid mellom einingane for best mogleg å utnytte ressursane 
• Tett samarbeid med fagansvarleg, og delta i regelmessige møte med leiinga ved einingane 
• Personalforvaltning og HMT med omsyn til fråværsoppfølging, vikarordningar, opplæring etc. 

Reinhaldsleiar rapporterer til driftssjef. Det kan bli endringar i organiseringa av bygg- og eigedomsdrift i samband med regionreforma. 

Vi krev:

• Fagbrev som reinhaldsoperatør eller husøkonom 
• Erfaring frå tilsvarande stilling inklusiv personalleiing 

Vi vektlegg:

• Gode samarbeidsevner 
• Grunnleggande digitale ferdigheiter 
• Ta ansvar og jobbe sjølvstendig 
• Serviceinnstilt 
• Løysingsorientert 
• Evne til å skape tillit og aksept 

Vi kan tilby:

• Løn etter avtale 
• Gode forsikrings- og pensjonsvilkår 
• Fleksibel arbeidstid 

Fylkeskommunen nyttar nynorsk. Arbeidsstaden er Førde. 

På heimesida vår: www.sfj.no finn du meir informasjon om fylkeskommunen. 

Nærmare opplysningar får du hjå driftssjef Tore Oddvin Stølen, tlf. 415 30 980. 

Søknad sender du ved å bruke elektronisk søknadsskjema. 

Opplysningar om søkarane kan bli offentleggjort sjølv om søkaren har bedt om å vere unnateke søkarlista. Søkar vil bli orientert om dette på førehand. Kopi av vitnemål og attestar tek du med deg til eit ev. intervju. 

Søknadsfrist: 19. august 2018