Avdelingsleiar på ny dementavdeling

Nyoppretta fast stilling ledig frå desember 2018

Vi opnar ny dementavdeling i januar 2019, med 20 plassar for personar med sjukdommen demens. I starten vil 10 av plassane bli åpna, resten vil truleg bli tatt i bruk i løpet av 2019.

Dersom du har brennande engasjement for demente og lyst til å vere med å starte opp ein ny avdeling og utvikla tilbodet til personar med demens på langtidsavdeling er dette stillinga for deg. Du vil ha varierte arbeids- og ansvarsoppgåver og leia ein stab med dyktige og engasjerte medarbeidarar.

Arbeidsstad
Pleie - og omsorgstenesta, Luranetunet

Luranetunet opna tilbygg i november 2017, og rommar idag 2 korttidsavdelingar, 7 langtidsavdelingar, dagsenter,ressurssenter, base for heimetenester og serviceavdelingar. Luranetunet har ein ny og flott innebygt tropehage på 1300m2 kor bebuarane kan være ute i behageleg temperatur heile året. Her føregår det diverse aktivitetar både på dag- og
kveldstid.Ønskjer du meir informasjon om Luranetunet, viser vi til heimesida vår; oskommune.no/ eller Luranetunet si side på facebook.com

Arbeidsoppgåver
- planlegga drift av avdelinga
- ansvar for dagleg drift og arbeidsplanar
- utarbeida, forvalta og vidareutvikla gode system som sikrar at brukarane sine rettar blir teken i vare
- bidra til å utvikla gode tenester for personar med demenssjukdom og deira pårørande
- fagleg leiing og oppfølging av personalet
- fagleg og etisk rettleiing av tilsette
- vera ein del av leiargruppa og medverka til utvikling av gode tenester i pleie- og omsorgstenestene i kommunen

Kvalifikasjonar
- autorisert sjukepleiar
- leiarutdanning og vidareutdanning i geriatri, eller anna relevant vidareutdanning er ein fordel men ikkje eit krav
- ønskjeleg med leiarerfaring
- erfaring frå arbeid med demente
- god datakunnskap og kjennskap til dokumentasjonsprogrammet Profil eller andre PLO system vil vera ein fordel
- god munnleg og skriftleg framstillingsevne.
- søkjarar utanfor Norden må dokumentera bestått " Bergenstest" ( test i norsk - på høgare nivå)
- utanlandsk utdanning må vere NOKUT godkjent
Det vil bli lagt vekt på personlege eigenskapar

Vi gjer merksam på at du må leggja fram politiattest.

Eigenskapar
Vi ønskjer ein leiar som:
- har interesse for demensomsorg og miljøterapeutisk arbeid
- har gode kommunikasjons -og samarbeidsevner
- er drivande oppteken av kvalitet og fagutvikling
- evnar å motivera og skapa engasjement blant dei tilsette
- er tydeleg, arbeider målretta og har gjennomføringskraft
- har evne til å strukturera og koordinera arbeid i ein hektisk kvardag
- er positiv, kreativ og løysningsorientert

Vi tilbyr
Faglege og personlege utfordringar i eit godt og inspirerande arbeidsmiljø.
Gode pensjons- og forsikringsordningar og løn etter avtale.