Utdanningsdirektør - avdelingsdirektør

Utdanningsdirektøren

• har det overordna faglege og administrative ansvaret for heile verksemda i utdanningsavdelinga

• har ansvar for å leie og utvikle arbeidet i avdelinga

• har ansvaret for økonomistyringa i avdelinga og skal syte for nødvendig fordeling, prioritering av avdelinga sine ressursar og oppgåver, og organisere avdelinga på ein formåls- og kostnadseffektiv måte

• skal saman med embetsleiinga og dei andre avdelingsdirektørane, delta i planlegging og gjennomføring av Fylkesmannen sine samla oppgåver

• skal rettleie om utdanningsrelaterte spørsmål og oppgåver, både internt og eksternt

Kvalifikasjonar

Du må ha relevant utdanning frå universitet eller høgskule på mastergradsnivå. Lang leiarerfaring kan kompensere for utdanningskravet. Du må ha erfaring som leiar frå offentleg eller privat verksemd.

Vi ser gjerne at du har leiarrelaterte fag i utdanninga di og god kjennskap til utdanningssektoren. Du må kunne sikkerhetsklarerast.

Eigenskapar

Som leiar av utdanningsavdelinga har du evne til å inspirere, motivere og vidareutvikle medarbeidarane dine. Du evnar å prioritere, delegere, ta avgjerder og skape resultat. Og du legg vekt på samordning og samarbeid.

Vi tilbyr

• lønn etter avtale i stilling som avdelingsdirektør 
• god pensjonsordning i Statens Pensjonskasse (det blir trekt 2% pensjonsinnskot frå lønna)
• dyktige kollegaer
• høve til å påverke samfunnsutviklinga i ein spanande og krevjande region

Det er 6 månaders prøvetid i stillinga.

Fylkesmannen har som personalpolitisk mål å rekruttere kvalifiserte kandidatar uavhengig av alder, kjønn, funksjonsevne eller etnisk bakgrunn.

Du får nærare opplysninger hos fylkesmann Magnhild Meltveit Kleppa, tlf. 51 56 88 99, mobil 930 63 651 eller assisterande fylkesmann Harald Thune, tlf. 51 56 88 10, mobil 905 04 510.