Rektor

Gol skule er ein nybygd, topp moderne  1-10 skule teke i bruk hausten 2016. Skulen har 550 elevar. Det er 90 tilsette, av dette 64 lærarar

Det er ledig 100% fast stilling som rektor ved Gol skule frå 1.8.2018

Administrasjonsressursen er på 400%. Den er fordelt på rektor og tre avdelingsleiarar; avdelingsleiar småskuletrinn og SFO, avdelingsleiar mellomtrinn og avdelingsleiar ungdomstrinn.
Skulen har kontormedarbeidar i 200%.
Rektor har kommunalsjef for oppvekst og kultur som næraste overordna.
Rektor er skulen sin administrative og pedagogiske leiar og har ansvar for fag, personale og økonomi ved Gol skule og SFO.

Gol skule arbeider aktivt med pedagogisk utviklingsarbeid. Skulen avsluttar våren 2018 rettleiing med UDIR sitt rettleiarkorps. Skulen arbeider mykje  med læringsleiing, elevaktive metodar og foreldre som ressurs. 

Gol skule er ein lærande organisasjon, og skulen er frå 2018 aktivt med i  det regionale pedagogiske utviklingsarbeidet «Livsmeistring i eit inkluderande læringsmiljø», der skulen i  tida framover ynskjer særleg fokus på læringsmiljøet og rekning som grunnleggjande ferdigheit.

Vi søkjer etter ein rektor:
- som utøver pedagogisk leiing gjennom tydelege føringar for skulen sitt læringsarbeid
- som evnar å utnytte skulen sine materielle og menneskelege ressursar i ein felles retning
- som kan leie ein organisasjon  der personalet opplever at dei er ein del av eit fellsskap og ikkje står åleine med ansvaret for læringsresultatet
- som kan begeistre og motivere elevar, foreldre  og tilsette slik at elevane får betre  fagleg og sosial framgang
- som har pedagogisk utdanning og erfaring
- som skuleleiarutdanning på masternivå
- som er systematisk og har føresetnader for god ressurs- og økonomistyring, og som har kunnskap om lov- og avtaleverk
- som har god evne til skriftleg og munnleg framstilling. I Gol kommune nyttar vi nynorsk som målform

 Personlege eigenskapar som vert vektlagt:
- er tydeleg som leiar og har klare visjonar for framtidas skule
- er nyskapande og har lyst til å vidareutvikle ein skule
- har gode samarbeidsevner og kan skape gode relasjonar

Vi tilbyr:
- ein variert og utfordrande leiarjobb
- lokalt og regionalt leiarnettverk
- leiarutvikling
- ein skule der elevane trivst

Løn etter avtale. Den som vert tilsett må leggje fram politiattest.

Aktuelle søkjarar blir kalla inn til intervju.