Avdelingsdirektør i Kystseksjonen (seksjonsleiar)

Kystseksjonen er ein nyoppretta seksjon i Kyst- og miljøavdelinga, og har 16 medarbeidarar. Som avdelingsdirektør for Kystseksjonen vil du inngå i avdelinga si leiargruppe og skal vareta departementet sitt ansvar for å behandle, utgreie og drive fram viktige fagområde og enkeltsaker på kystområdet og tverrsektorielt. Du vil få ansvaret for kystforvaltning, sjøtransport, førebyggjande sjøtryggleik og staten si vernebuing mot akutt forureining. Du vil òg få ansvar for hamne- og farvatnslova, loslova og delar av Svalbardmiljølova og forureiningslova. Du vil vidare få det overordna budsjettansvaret for sektoren og ansvar for å følgje opp Nasjonal transportplan på kystområdet. Du vil også få ansvar for å vareta etatsstyring av Kystverket og Senter for oljevern og marint miljø og forvaltning av staten sitt tilskot til Redningsselskapet og oppfølging av Samfunnet Jan Mayen.

Vi søkjer ein løysingsorientert leiar med gode samarbeidsevner og god rolleforståing. Vi forventar at du tek eit heilskapleg ansvar for å leie, utvikle og koordinere arbeidet i kystseksjonen.

Kvalifikasjonskrav:

• Høgare relevant utdanning, helst på masternivå
• Solid innsikt i offentlege og politiske avgjerdsprosessar.
• Relevant arbeidserfaring, medrekna erfaring frå arbeid i offentleg forvaltning, gjerne i samferdslesektoren
• Tverrsektoriell kompetanse, evne til å sjå saker i samanheng
• Erfaring frå internasjonalt samarbeid er ønskjeleg
• God språkleg framstillingsevne (munnleg og skriftleg), både på norsk og engelsk

 Personlege eigenskapar:                            

• Evne til å delegere, leie, og inspirere andre
• Gode evner til samarbeid, samordning og kommunikasjon
• Evne til å sjå oppgåver og problemstillingar frå fleire vinklar, og utvikle nye løysingar og strategiar
• Gode analytiske evner
• Stor arbeidskapasitet, med evne til å setje seg raskt inn i nye problemstillingar og arbeide under tidspress

 Vi tilbyr:

• Ein ansvarsfull jobb innan ein sektor med mange endringar og stor betydning for det samla transportarbeidet i Noreg
• Ein jobb med stor betydning for samfunnet og med moglegheit for å gjere ein forskjell
• Organisasjon med høg fagleg kompetanse og dedikerte og motiverte medarbeidarar
• Stillinga blir lønt i spennet mellom kr. 880 000 - 960 000.

Stillinga medfører krav til tryggleiksklarering.

Nærmare spørsmål om stillinga kan rettast til ekspedisjonssjef Ottar Ostnes, tlf. 91 12 24 29

Etter utløpet av søknadsfristen vil det bli utarbeidd offentleg søkjarliste. Kandidatar som ønskjer unnatak frå offentlegheit må grunngi dette i søknaden. Vi gjer merksam på at søkjarar kan bli oppførde på offentleg søkjarliste sjølv om vedkomande har oppmoda om konfidensiell behandling. Søkjarar vil i så fall bli varsla før offentleggjering.

Staten er oppteken av mangfald og vi oppmodar alle kvalifiserte kandidatar til å søkje. Som IA-verksemd legg departementet vekt på å tilretteleggje arbeidsforholda for personar med nedsett funksjonsevne.