Utløpt

Avdelingssjukepleiar

Arbeidsgiver: Helse Bergen - Ortopedisk klinikk
Stillingstittel: Avdelingssjukepleiar
Frist: 08.02.2018
Ansettelsesform: Fast

Bli kjent med Haukeland universitetssjukehus

Ortopedisk avdeling, Haukeland universitetssjukehus (HUS), har ledig stilling som avdelingssjukepleiar/leiar for sjukepleietenesta.

Ortopedisk avdeling på HUS utgjer saman med Kysthospitalet i Hagevik, Fysioterapiavdelinga og Ergoterapiavdelinga Ortopedisk klinikk. Frå april 2018 vil også Skadepoliklinikken ved Bergen Legevakt vere ein del av klinikken.

Det daglege ansvaret for drift av Ortopedisk avdeling er delt mellom leiar for Fagmedisinsk avdeling (avdelingsoverlegen) og leiar for Avdeling for sjukepleie (avdelingssjukepleiar). Avdelinga har i dag 4 sengepostar med ulike pasientkategoriar og vi tek hand om heile spekteret av pasientar med ortopediske lidingar og skadar, både lokalt og regionalt. I hovudsak tar post Øst hand om rygg-, tetraplegi- og kreftpasientar, post Syd tar hand om protesar og hoftebrotspasientar, medan post Vest er for traumatologi. Rehabiliteringsposten vert i desse dagagr overført til Rehabiliteringsklinikken på Nordås. I tillegg disponerer vi senger for ortopediske barn på barnekirurgisk post. Avdelinga har i vår også ansvaret for å etablere ein ny sengepost for pasientar med ortopediske infeksjonar.

Arbeidsoppgåver

Avdelingssjukepleiar vil ha det overordna ansvaret for fagutvikling, personal, økonomi og drift i eininga.
Avdelinga er prega av høg aktivitet og mykje øyeblikkelig hjelp. Det er ei hovudoppgåve for avdelingssjukepleiar å bidra til god drift og høg fagleg standard ved sengepostane, samtidig som trivsel, eit godt fellesskap og eit inspirerande arbeidsmiljø må ivaretakast.
Avdelingssjukepleiar inngår i klinikken si leiargruppe og rapporterer direkte til klinikkdirektør.

Kvalifikasjonar

Relevant leiarutdanning, erfaring frå sjukehusdrift og gode kunnskapar om administrative system som GAT og DIPS, samt grunnleggjande IKT-kompetanse er ønskjeleg.
Leiarerfaring med personal- og budsjettansvar er ein fordel, men ingen absolutt føresetnad.
Vår nye leiar må evne å bidra til eit godt arbeidsmiljø.

Utdanning

Administrasjon/organisasjon/leiing
Høgskule/universitet, diplom-/ bachelorgrad
Høgskule/universitet, hovudfag / mastergrad
Sjukepleiar
Sjukepleie

Språk

Norsk

Eigenskapar

Dei rette personlege eigenskapane blir høgt verdsett. Vi søkjer ein leiar med evne til å spre arbeidsglede og entusiasme, fellesskapstenking og gode haldningar. Samhandling internt i avdeling og klinikk, mellom ulike yrkesgrupper og sengepostar, og mot eksterne aktørar, er ein viktig del av kvardagen. Vi ønskjer ein leiar som kan få alle til å trekkje i same retning og mot felles mål.
For å møte dei utfordringane denne jobben vil innebere må vår nye avdelingssjukepleiar både ha gode kommunikasjonsevner, vere løysingsorientert og gjennomføringsdyktig.
Erfaring med pasientsikkerheitsarbeid og forbetringsprosessar/-prosjekt, samt evne til nytenking og endringsvilje, vil vere nyttige eigenskapar å ha i denne stillinga.

Vi tilbyr

Stillingsbrøk: 100%
Ein triveleg og til tider travel arbeidsplass med entusiastiske og særs kompetente tilsette. Vi har stort fokus på god intern og ekstern samhandling, trivsel på arbeidsplassen, kompetansebygging og eit godt arbeidsmiljø.
Stillinga byr på store moglegheiter for fagleg og personleg utvikling, og vi står for tida oppe i fleire spennande utviklingsprosjekt som ny leiar vil bli involvert i.
Lønn etter avtale.

Om arbeidsgiveren

Helse Bergen, Haukeland universitetssjukehus, har over 12.000 tilsette som har som mål å gi best mogleg behandling og pleie til pasientane våre, og rett opplæring til våre pasientar og pårørande. Kvart år behandlar vi over 800.000 pasientar og bidreg i utdanninga av eit par tusen helsearbeidarar. Forsking er ei viktig oppgåve, og vi er blant dei fremste i landet innanfor dette feltet. Les meir på www.helse-bergen.no eller facebook.

Sektor: Offentlig
Lederkategori: Leder
Sted: Haukelandsveien 22, 5021 Bergen
Bransje: Helse og omsorg
Stillingsfunksjon: Sykepleier