Leiar innan psykisk helse- og rusarbeid, dagavdeling

Me treng ein ny leiar som vil vera med på å vidareutvikla tenestane for menneske med rus - og psykiske helseutfordringar i kommunen.

I Time kommune er tenesteområdet psykisk helse og rusarbeid delt i to avdelingar. Ein for dagtenester og ein for døgntenester. Den ledige stillinga er som leiar i dagtenestane.

Som leiar i Time kommune har du erfaring frå spenningsfeltet mellom tenesteleveranse og offentlig forvaltning. Du har ein inspirerande og tydelig leiarstil og er opptatt av kommunen sin visjon som er trygg og framtidsretta.

Leiarkjenneteikna i Time kommune er mellom anna å vera ein synlig og tydeleg leiar. Du likar å vera tett på verksemda, er til stades og tilgjengeleg for dine tilsette, samt har god kontakt med næraste leiar, brukarane og deira pårørande, spesialisthelsetenesta og andre samarbeidspartar.

Sentrale oppgåver er mellom anna:

-  Ansvar for gode og effektive tenester
-  Administrativt og økonomisk ansvar for verksemda
-  Åpen og god dialog med interne- og eksterne samarbeidspartnarar
-  Ansvar for systematisk HMS-arbeid
-  Personaloppfølging: veiledning, arbeidskontraktar, målretta sjukefråværsarbeid
-  Ansvar for oppfølging av mål, vedtak og saksbehandling, organisere og fordele saker
-  Strategi: Ansvar for prosjektarbeid og innoativ utvikling avt enestetilbodet

Me tilbyr

-  Ein spennande arbeidsplass som satsar på kompetanse, innovasjon, kvalitet og tenesteutvikling
-  Nettverk med andre leiarar
-  Fleksibel arbeidstid og gode pensjonsordningar
-  Idretts- og fritidsrelaterte aktivitetsgrupper og bedriftskunstforeining

Kvalifikasjonar

-  Du har bachelor i vernepleie eller sjukepleie
-  Du bør ha erfaring som leiar, leiarutdanning er ein fordel
-  Erfaring frå offentleg sektor er ein fordel
-  Du må kunna tileigna deg kompetanse på saksbehandling og elektroniske fagsystem
-  Du tenkjer heilheit, forankrar, involverar og delegerar
-  Du er fagleg engasjert og utviklingsorientert
-  Du har gode samarbeids- og kommunikasjonsevner
-  Det vert lagt vekt på at du er eigna til stillinga

Andre krav

-  For tilsetjing i omsorg er det krav om politiattest
-  Du må ha sertifikat for bil

Elektronisk søknadsprosess

Time kommune nyttar elektronisk søknadsprosess. Det er ikkje høve til å leggja ved attestar og vitnemål. Desse må du ta med til eit eventuelt intervju.

Viss du har spørsmål til søknadsprosessen, kan du kontakte personalavdelinga via servicetorget på tlf. 51 77 60 00.

Me gjer merksam på at opplysningar om søkjaren kan verta offentleggjorde, sjølv om ein har bede om å bli untatt offentlegheit. Søkjar vil bli varsla før offentleggjering.

Time kommune er opptatt av mangfald og me oppmodar derfor alle som er kvalifiserte til å søka hos oss; uansett alder, kjønn, etnisitet, religion, funksjonsevne, seksuell orientering og kjønnsidentitet.