Statsmeteorolog
- Arbeidsgiver
- Meteorologisk institutt
- Stillingstittel
- Statsmeteorolog
- Frist
- 05.05.2017
- Ansettelsesform
- Fast
I den operative vêrvarslingstenesta ved Meteorologisk institutt er det ledig stillingar som statsmeteorolog; inntil to faste stillingar ved flyvêrtjenestekontor på Ørland og to mellombelse stillingar ved Vêrvarslinga for Nord-Noreg (VNN). De mellombelse stillingane varer i hovudsak i om lag eitt år, men med høve til forlenging, ev. fast tilsetting. Det kan også bli aktuelt med ledige stillingar ved Vêrvarslingsavdelinga i Oslo (VIO), Vêrvarslinga på Vestlandet (VPV) eller ved flyvêrtenestekontoret i Bodø.
Den operative vêrvarslingstenesta er i endring. Vi søker personar som er villige til både å inngå i vêrvarslingsteneste i turnus og som ved behov kan gå ut av turnus og utføre faglege prosjekt på heiltid.
Arbeidsområde:
- operativ vêrvarslingsteneste; utarbeide og presentere vêrvarsel
- delta i prosjektarbeid internt og med instituttet sine samarbeidspartnarar
- andre fagleg relevante aktivitetar
Kvalifikasjonar:
- høgare utdanning, cand. scient./master eller tilsvarande, helst med spesialisering i meteorologi
- god formuleringsevne, munnleg og skriftleg i norsk og engelsk
- generelle kunnskapar i bruk av moderne IT-hjelpemiddel
- samarbeidsevne, vilje til teamarbeid
- evne og vilje til omstilling, til å halde seg fagleg oppdatert og til å ta i bruk nye metodar/hjelpemiddel
- evne og vilje til å medverke til profilering av Meteorologisk institutt gjennom utoverretta aktivitetar
- erfaring frå stilling på Meteorologisk institutt vil bli vektlagt
- vi følger WMOs krav til kvalifikasjon for varsling som det framgår av Basic Instruction Package for Meteorologists (BIP-M) og ønsker søkarar som i størst mogleg grad oppfyller desse krava. Nødvendig opplæring vil bli gitt.
Arbeidsvilkår:
- løn som 1358 statsmeteorolog i lønsramme 25
- kompensasjon for skiftteneste i samsvar med gjeldande reglar
- faglege utfordringar på eit område som er viktig for samfunnet
- høve for eigenutvikling
- eit moderne teknologisk miljø
- medlemskap i Statens pensjonskasse som er ei av dei beste pensjonsordningane i landet, med gunstig bustadlån og gode forsikringsordningar
- 6 månaders gjensidig prøvetid
Det er eit personalpolitisk mål at arbeidsstaben skal attspegle folkesamansettinga generelt, både når det gjeld kjønn og kulturelt mangfald.
I søknaden ber vi søkjarane opplyse om kva tenestestader dei ynskjer å arbeide ved, og særleg der dei ikkje ynskjer å arbeide. Statsmeteorologar i etaten som ynskjer overføring må også gi fullstendige opplysningar om kva tenestestader dei ynskjer.
Det vert kravd tryggleiksklarering for tilsetting i stillingane.
For fleire opplysningar om stillingane, kontakt leiar for flyvêrtenestekontoret på Ørland, Ingar Sundet, tlf. 67 03 20 63/472 97 969, avdelingsleiar Helge Tangen (VNN), tlf. 77 62 13 02/905 19 798 eller vêrvarslingsdirektør Bård Fjukstad, tlf. 77 62 13 43/482 34 683.
Søknadsfrist: 27. april 2017
Søknaden må sendast elektronisk: Klikk her for å søke eller sjå met.no under "Ledige stillingar".
Om arbeidsgiveren
Moderne meteorologi krev handtering og analyse av enorme datamengder, og byr på store og spennande faglege utfordringar. Heilt frå 1866 har norske meteorologar stått sentralt i utviklinga av faget, og vi er i dag eit leiande internasjonalt fagmiljø.
- Sektor
- Offentlig
- Antall stillinger
- 3
- Sted
- Henrik Mohns Plass 1, 0313 Oslo
- Bransje
- Forskning, utdanning og vitenskap,
- IT
- Stillingsfunksjon
- Geologi/Fysikk/Kjemi