Styrar i Varhaug idrettsbarnehage

Innafor tenesteområdet opplæring og kultur blir det frå august ledig 100% stilling som styrar i Varhaug idrettsbarnehage. Idrettsbarnehagen har i underkant av 4 avdelingar, og omlag 14 tilsette. Barnehagen er fem år gammal og ligg sentralt på Varhaug, mellom Varhaug ungdomsskule og idrettsanlegget i bygda. Varhaug idrettsbarnehage er en aktiv barnehage som er opptatt av at barn får oppleve bevegelse og mestring i ein sunn kvardag. Leik, læring og utvikling er sentralt i dette arbeidet.

Personale har brei kompetanse, med barnehagelærarar, idrettspedagogar og barne- og ungdomsarbeidarar. Barnehagen er representert med begge kjønn, har eit godt arbeidsmiljø og opptatt av å løfte i lag. Som styrar vil du leia arbeidet med å  vidareutvikle Varhaug idrettsbarnehage.  Du blir også ein del av eit engasjert, kompetent og utviklingsretta styrarkollegium, og får medverke i kommunen sitt utviklingsarbeid.

Me ønskjer oss ein leiar som:
o kan lede medarbeidarar og som er relasjonsorientert
o er innstilt på samarbeid og har evne til å arbeide sjølvstendig
o bidrar til endringsarbeid
o bidrar til at barnehagen er ein lærande organisasjon
o trivst saman med barn og føresette
o er fleksibel og har godt humør
o bidrar i styrarkollegiet
o har gjennomføringsevne

Kvalifikasjonar:
o godkjent pedagogisk utdanning
o erfaring frå barnehagen
o leiar- og/el anna relevant etterutdanning
o ønskjeleg med leiarerfaring

Personlege eigenskapar vil bli vektlagt.

Politiattest:
Politiattest nyare enn 3 månader må leverast før tiltreding i stilling.

Tilsetjingsvilkår:
Tilsetjinga skjer på dei vilkår og med dei pliktar som går fram av utlysinga, og dei til ei kvar tid gjeldande lover, reglement og tariffavtalar.  Kommunen har gode pensjons- og forsikringsordningar med ulykkesforsikring i fritida. Kommunen har prøvetid på 6 månader og reglar for flyttegodtgjersle.

Søknad kan sendast
Hå kommune oppfordrar alle til søkja elektronisk på web www.ha.no/stilling. Ta kontakt dersom du ikkje har høve til det.