Førsteamanuensis i matematikk for fornybar energi
- Arbeidsgiver
- Høgskulen i Sogn og Fjordane
- Stillingstittel
- Førsteamanuensis i matematikk for fornybar energi
- Frist
- 16.11.2016
- Ansettelsesform
- Fast
Vi søkjer etter matematikar knytt til vårt bachelorstudium i fornybar energi og Master in Climate Change Management ved Institutt for naturfag i Sogndal.
Arbeids- og ansvarsområde
Stillinga vil ha eit hovudansvar for undervisning i matematikk brukaremne og matematikk for fornybar energi på bachelornivå. I tillegg skal stillinga bidra til undervisning innan emna Fysikk og Energisystem og produksjonsteknologiar på bachelornivå og Transitions towards a Zero Emission Society på masternivå. Søkaren skal undervise og forske i tematikk som er relevant både for bachelor- og mastertilbodet ved instituttet, og rettleie studentar på alle nivå.
Kvalifikasjonar
Den som vert tilsett må ha utdanning innan matematikk eller fysikk med kompetanse på PhD-nivå. I tillegg vert det lagt vekt på:
- undervisningserfaring innan fagområdet
- forsking, formidling og utviklingsarbeid på problemstillingar med relevans til faget og utdanningane
- Innsikt i bruk av teknologi for fornybar energi
- erfaring med matematikk og miljøfag i lærarutdanning
- erfaring frå nasjonale/internasjonale forskingsprosjekter og skaffe eksterne prosjektmidlar
Søkjaren bør skissere aktuelle forskingstema i søknaden.
Stillinga krev gode samarbeidsevner og evne til å samarbeide med andre fag og eksterne partar. Det blir lagt stor vekt på personlege eigenskapar som fleksibilitet, evne til å ta initiativ og engasjement.
For tilsetjing som førsteamanuensis er krava norsk doktorgrad eller vitskapleg kompetanse på tilsvarande nivå.
Arbeidsspråket er både norsk og engelsk. Dersom ein ikkje har norskkunnskapar, krev vi fullføring av norsk kurs «Bergenstest» på nivå 2 innan eitt år. Tilsette utan formell pedagogisk utdanning og som ikkje kan dokumentere tilsvarande kvalifikasjonar, vil kunne bli pålagt å gjennomføre kurs i pedagogikk. Tilsette utan forskarkompetanse vil bli oppmoda om å delta i kurs og kompetanseheving innan FoU.
Aktuelle søkjarar vert kalla inn til intervju med prøveførelesing.
Tilsetjingsvilkår
Stillinga er løna etter Statens lønsregulativ for førsteamanuensis etter ansiennitet og kompetanse. Høgskulen har tenestepensjonsordning og det vert trekt lovfesta innskot til Statens pensjonskasse. Tilsetjing skjer på dei vilkår som følgjer av Lov om statens tenestemenn og dei reglement som til ei kvar tid gjeld i høgskulen.
Den statlege arbeidsstyrken skal spegle mangfaldet i folket. Det er difor eit personalpolitisk mål å oppnå ei balansert alders- og kjønnssamansetjing og å rekruttere personar med ulik nasjonal- eller etnisk bakgrunn. Høgskulen i Sogn og Fjordane er ei IA bedrift.
I samsvar med offentleglova § 25, kan opplysingar om søkjar bli unnateke i offentleg søkjarliste, dersom søkjaren sjølv ber om det. Søkjaren vert varsla dersom oppmodinga ikkje blir teken til følgje.
Søknad med CV, attestar og vitnemål skal sendast elektronisk via «Søk denne stillinga» på denne sida. Legg ved publikasjonsliste, inkludert digitale kopiar av opptil 10 vitskaplege arbeid. Vi ber om at det i søknaden vert oppgitt to referansar der ein er frå siste arbeidsgjevar. Søknaden kan vera på engelsk.
Søknaden skal vise til relevant kompetanse og kvalifikasjonar (jf. ‘Arbeids- og ansvarsområde’ og ‘Kvalifikasjonar’). Desse er direkte grunnlag for sakkunnigkomiteen sitt vurderingsarbeid saman med CV/publikasjonsliste. Innstilling av søkarar til tilsetjingsutvalet ved høgskulen vert gjort av ein innstillingskomité ved avdelinga på grunnlag av sakkunnigkomiteen sitt vurderingsarbeid samt intervju/prøveførelesing og referansesjekk.
Meir informasjon får du hos instituttleiar Tarald Seldal, tarald.seldal@hisf.no, tlf. +47 57 67 62 40, mobil: +47 952 99 675, eller dekan Stein Joar Hegland, stein.joar.hegland@hisf.no.
Om arbeidsgiveren
Høgskulen i Sogn og Fjordane har 4000 studentar og 400 tilsette og kan tilby eit spennande fagmiljø for utdanning og forsking. Høgskulen har studietilbod i Sogndal og Førde, og tilbyr utdanningar i helse- og sosialfag, idrett, økonomisk-administrative fag, ingeniør- og naturfag, lærarutdanning og samfunnsfag. Frå 1.1.2017 er HiSF del av den nye Høgskulen på Vestlandet. HVL vil med om lag 16 000 studentar og 1600 tilsette bli ein av dei største utdanningsorganisasjonane i Noreg.
Avdeling for ingeniør og naturfag har omlag 400 studentar og 40 tilsette. Avdelinga består av Institutt for ingeniør og teknologifag på Campus Førde, og Institutt for naturfag på Campus Sogndal. På Campus Sogndal tilbyr avdelinga utdanningar innan fornybar energi, geologi og landskapsplanlegging med landskapsarkitektur, det internasjonale semesterprogrammet From Mountain to Fjord og Master in Climate Change Management.
- Sektor
- Offentlig
- Sted
- 6856 Sogndal
- Bransje
- Forskning, utdanning og vitenskap
- Stillingsfunksjon
- Undervisning og pedagogikk,
- Undervisning og pedagogikk / Lærer/Lektor
Nøkkelord
matematikk, fysikk, forsking, fornybar energi, undervisning
Spørsmål om stillingen
- Kontaktperson
- Tarald Seldal
- Stillingstittel
- Instituttleiar
- Telefon
-
57 67 62 40
95 29 96 75
- Kontaktperson
- Stein Joar Hegland
- Stillingstittel
- Dekan
6856 Sogndal