To kontrollingeniørstillingar ved vegseksjonen Møre og Romsdal

Utlysing nr. 04-056-14

Vegseksjonen Møre og Romsdal har no to ledige kontrollingeniørstillingar med kontorstad Molde og Ålesund. Seksjonen har ansvar for utbygging, drift og vedlikehald av riks- og fylkesveger i fylket. Den har 40 medarbeidarar fordelt på kontorstadar i Molde, Ålesund og Åndalsnes. Som ein av to seksjonar i Vegavdeling Møre og Romsdal, opererer vi tett opp mot vegen og trafikantane. Som medarbeidar hos oss vil du gjere ein innsats som betyr mykje for dei som skal ferdes trygt langs vegane våre.

Kva skal du jobbe med?
Du vil bli ein del av enten utbyggingsprosjekt Nordmøre og Romsdal eller utbyggingsprosjekt Sunnmøre. Kvart prosjekt har ein prosjektleiar, byggeleiarar, kontrollingeniørar, byggherrestøtte og HMS-rådgivar. Du rapporterer til byggjeleiar, og er den sin avløysar ved nokre høve.

Du vil i hovudsak arbeide med følgjande:

• Geometrisk kontroll.
• Kontroll av teknisk kvalitet.
• Stikkprøvekontroll.
• Avviksregistrering med eventuelle varsel til entreprenør.
• Kontroll og godkjenning av målebrev.
• Kontrollere at entreprenøren leverer naudsynt dokumentasjon i utføringsfasen.
• Utarbeide kontrollplanar og oppfølging av desse.
• Bidra i vurderinga av endringar/ tillegg.
• Medverke i byggjemøter.
• Oppfølging av HMS på anlegget.
• Utarbeiding av tilbodsdokumenter.
• Bidra med å utøve kontakt mot naboar og offentlige etatar i utføringsfasen.

 
Kven er du?
Du må ha treårig ingeniørutdanning eller liknande frå universitet eller høgskule med relevante fagkombinasjonar. Det er ein fordel at du har erfaring frå anleggsbransjen.

Personleg eigenskapar blir vektlagt. Blant anna er du:

• Samarbeidsorientert.
• Initiativrik.
• Sjølvstendig og strukturert.
• Målretta
• God til å formulere deg, skriftleg og munnleg.

 Du må ha førarkort klasse B.

Kva tilbyr vi?
Løn blir fastsett etter nærare avtale i høve til etatens lønspolitikk avhengig av kvalifikasjonar. Frå lønna vert det trekt 2 % pensjonsinnskott til Statens pensjonskasse. Vidare kan vi tilby gunstige arbeidstidsordningar, gode pensjons- og forsikringsordningar, samt gode moglegheiter for etter- og vidareutdanning

Anna
Husk å opplyse i søknaden om du ønskjer kontorstad i Molde eller Ålesund.

Den statlige arbeidsstyrken skal i størst mulig grad spegle mangfaldet i befolkninga. Vi ønskjer medarbeidarar av begge kjønn, frå alle aldersgrupper og frå ulike etniske grupper og nasjonaliteter. Vi arbeider dessutan aktivt for å rekruttere fleire medarbeidarar med nedsett funksjonsevne.

Dersom du har tatt heile eller delar av utdanninga di i utlandet, ber vi om ein autorisert oversettelse av din papirar og godkjenning frå NOKUT (www.nokut.no).

Vi gjer merksam på at opplysningar om søknaden din kan bli offentleggjorde sjølv om du har bedt om unntak frå offentleg søkjarliste. I så fall blir du varsla om det.

Søknad med CV sendast elektronisk. Vi sett pris på om du har anledning til å laste opp dine vitnemål. Originale vitnemål og attestar tas med ved et eventuelt intervju