Vil du jobbe med teknologi som betyr noko – kvar einaste dag?

Vi ser etter deg som vil bruke kompetansen din på avanserte system og utstyr som bokstavleg talt kan redde liv. Som teknikar eller konsulent innan IKT får du jobbe tett på sjukehusa i regionen, og bidra til at kritisk kommunikasjonsutstyr – som telefoni, audio-/videoløysingar og pasientvarslingssystem – fungerer når det verkeleg gjeld. Hos oss blir du del av eit av dei mest komplekse og samfunnskritiske IT-miljøa på Vestlandet, med over 30 000 brukarar, moderne infrastruktur og null rom for feil.

I vår seksjon er vi 27 fagleg dyktige og engasjerte medarbeidarar som trivst med det vi gjer. Viss du synest dette høyrast spennande ut, ta gjerne direkte kontakt med seksjonsleiar Atle Knudsen på tlf. 901 20 934.

Arbeidsstad er i Ibsens gate 104 i Bergen.

Arbeidsoppgåver

• Drift og vedlikehald av Tele og Signal sine tenester og produkt.
• I porteføljen inngår akuttvarsling, overfallsanlegg, pasientsignal, fast- og smarttelefoni, samt audio-/videoløysingar.
• Drift av løysingane i Helse Vest sin server- og nettverksinfrastruktur.
• Fremme innovasjon og utvikling av porteføljen i tråd med behova til sjukehusa.
• Følge opp reparasjonar og garanti mot leverandørar.
• Prosjektarbeid.

Kvalifikasjonar

• Fordel med kunnskap om smarttelefoni og mobiladministrasjonsverktøy.
• Fordel med erfaring og kompetanse frå drift og vedlikehald av IT-baserte løysingar.
• Fordel med kompetanse på Windows Server, nettverk og brannmursteknologi.
• Ønskeleg med fagbrev innan relevante fagområde.
• Du er kjent og komfortabel med data som arbeidsverktøy.
• Du beherskar norsk skriftleg og munnleg.
• Førarkort klasse B.

Personlege eigenskapar

• Du er positiv, initiativrik, resultat- og målorientert og trivast i direkte dialog med kunden.
• Du arbeider sjølvstendig, men samarbeider godt med andre når situasjonen krev det.
• Du er løysingsorientert.
• Du har gode kommunikasjons- og samarbeidsevner.
• Vi ønsker ein som likar å sette seg inn i nye ting, og som tør å ta ansvar for saker innanfor og utanfor kompetanseområdet.
• Arbeidet er primært lokalisert i Bergen.
• Reiseaktivitet må påreknas.

Vi tilbyr

Høyrest det givande ut å jobbe ein stad med eit inspirerande samfunnsoppdrag? Då vil vi snakke med deg! Hos oss får du:

• Moglegheita til å jobbe i eit stort og tverrfagleg miljø i ein banebrytande bransje.
• Tilgang til Helse Vest sine kollektive avtalar og tilbod for tilsette.
• Fleksible arbeidsordningar med fleksitid og arbeidsveke på 37,5 timar inkl. lunsj.
• Løn etter avtale.
• Medlemskap i KLP som sikrar gode pensjonsrettar.

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.