Lege i spesialisering

Er du klar for å jobbe med kroppens mest spennande organ? Hjernen!

Innan nevrologi har vi 8 overlegestillingar og 8 stillingar for LIS. Nevrologi er organisert som ei eiga eining i Medisinsk klinikk. Eininga har poliklinikk (generell og spesialpoliklinikk for MS, epilepsi, parkinson, hjerneslag, ALS/Huntington/nevro-onkologi, botox), nevrofysiologisk laboratorium og ein sengepost med 8 senger til generell nevrologi og 6 til slagpasientar.

Nevrologi er eit fag i stadig utvikling, med nye og aukande behandlingsmoglegheiter. Som LIS i nevrologi vil du møte pasientar i alle aldersgrupper med mange spennande sjukdomar og tverrfaglege utfordringar. Samarbeid med andre faggrupper som terapeutar og logopedar er viktig. Vi gir god opplæring før du startar med vakt.

Vi vil ta kontakt med aktuelle søkjarar fortløpande.

Arbeidsoppgåver

• Utredning og behandling av pasientar på sengepost
• Etter kvart deltaking i poliklinisk arbeid
• Deltaking i tverrfaglig samarbeid
• Praktiske prosedyrar som spinalpunksjon og moglegheit for deltaking i botoxbehandling
• Bidra til internundervisning
• Det er for tida 8-delt tilstadevakt i avdelinga

Kvalifikasjonar

• Norsk autorisasjon som lege med fullført LIS 1 (eller du er snart ferdig med turnustenesta)
• Venter du på turnus og er interessert i nevrologi kan du være aktuell for vikariat
• Det er ein fordel med erfaring frå norsk sjukehus
• Gode språkkunnskaper er heilt avgjerande for forsvarleg pasientbehandling. Ikkje-nordiske statsborgarar må minimum ha bestått Bergenstesten eller anna norsktest på B2-nivå

Personlege eigenskapar

Hos oss er det viktig at du:

• er ein entusiastisk lege som ønskjer å bli nevrolog
• har sosiale eigenskaper
• har motivasjon og interesse for fagfeltet
• bidrar positivt til eit fagleg og kollegialt godt miljø
• er punktleg og påliteleg

Vi tilbyr

• Grundig opplæring i prosedyrer og vaktoppgåver
• Fast rettleiing
• Samarbeid med HUS og SUS for gjennomføring av heile LIS-løpet
• Avspasering kvar 8.veke
• Avsett tid til fordjuping 1 dag anna kvar veke
• Aktivt og triveleg internasjonalt arbeidsmiljø

Helse Fonna har rundt 4200 medarbeidarar som jobbar for å gi best mogleg behandling og pleie til pasientane. Vår oppgåve er å gi spesialiserte helsetenester til dei over 180 000 innbyggarane i Sunnhordland, Indre Hardanger og Nord-Rogaland.

Helse Fonna ønsker så langt som råd å avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta. 

For å bli betre kjend med oss, kan du sjå her www.helse-fonna.no.