Lønskonsulent

Har du lyst å arbeide saman med oss?

Seksjon for løn og rekneskap søkjer no etter ein engasjert lønskonsulent i 100 % stilling, med arbeidstad Molde.

Løn- og rekneskapsseksjonen er ein del av økonomiavdelinga i Helse Møre og Romsdal. Seksjonen er ei spanande eining som leverer tenester av høg kvalitet i ERP systemet SAP og lønssystemet SDWorx. Hovudkontoret for løn og rekneskap er lokalisert i Molde og har i dag 22 tilsette. Som lønskonsulent vil du vere ein viktig del av lønsteamet, som består av 10 tilsette.

Ved intern rokkering kan andre stillinger bli ledige.

Snarlig tiltredelse vektlegges ved tilsetting.

Vi ber om at attestar og vitnemål vert lasta opp og lagt ved søknad og CV.

Arbeidsoppgåver

• Ansvarleg for løn for eigne avdelingar i Helse Møre og Romsdal
• Oppfølging av sjukelønsrefusjonar frå NAV
• Kontroll av reiserekningar

Kvalifikasjonar

• Relevant økonomisk utdanning
• Erfaring innan lønsarbeid kan kompensere for manglande formell utdanning
• Gode IT-kunnskapar
• Kjennskap til SDWorks er ein fordel

Personlege eigenskapar

• Du er ansvarsbevisst og påliteleg
• Du er strukturert
• Du har gode samarbeidsevne
• Du har gode kommunikasjonsevne i norsk munnleg og skriftleg
• Personleg eignaheit vert vektlagt ved tilsetting

Vi tilbyr

• Lyse og moderne lokaler
  
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår

Molde er rosens, jazzens og kulturens by, og ikkje minst eit eldorado for fjellturer, alpint, klatring, golf, seiling og padling. Byen er barnevennleg med nærleik til skule, barnehage og fritidstilbod. Vi har fleire daglege flyavgangar til Oslo og internasjonale ruter. Molde by fornyar seg med m.a. ny sjøfront og fleire spennande kaféer og spisestader. Les meir om Molde og Romsdalen her.

Vil du gjere ein forskjell? Vi i Helse Møre og Romsdal (HMR) gir spesialisthelsetenester til alle innbyggjarane i fylket. Med våre omlag 6500 tilsette er vi ein skapande og nytenkande organisasjon som kvar dag står på for at pasientane skal få best mogleg helsetenester. Vi har ei leiande rolle innan forsking og utdanning, og har sterke fagmiljø knytt til teknisk drift, økonomi og HR. Sjukehusa i HMR er i Volda, Ålesund, Molde og Kristiansund. Nytt felles akuttsjukehus for Nordmøre og Romsdal  er under bygging på Hjelset i Molde kommune, og skal stå klart for innflytting våren 2025. I Kristiansund vert det vidare eit breidt spesialisthelsetenestetilbod med poliklinikk, dagbehandling og dagkirurgi. I tillegg har vi behandlingsinstitusjonar innan rehabilitering, psykisk helsevern og rusbehandling. Det vert lagt til rette for gode og inkluderande arbeidsmiljø prega av openheit og respekt. Vi vil at våre tilsette skal spegle mangfaldet i befolkninga. Difor oppmodar vi alle som er kvalifiserte til å søkje hos oss, uavhengig av kjønn, alder, funksjonshemming, nasjonal eller etnisk bakgrunn. Det same gjeld om du har hatt eit lengre opphald i arbeidslivet. Helse Møre og Romsdal er underlagt offentleglova. Vi arbeidar for meiroffentlegheit, og søkarlista til stillinga kan bli offentleggjort. Ein kan be om unntak frå offentleg søkarliste. Unntak skal grunngjevast frå søkar si side. Arbeidsgivar vil vurdere ei slik oppmoding, og søkar vert kontakta om oppmodinga ikkje vert tatt til følgje.

Uansett kva stilling du vert tilsett i, så skal vi bidra til at du får utvikle deg og kompetansen din. Bli med på laget! For meir informasjon om helseføretaket, sjå Helse Møre og Romsdal