Rådgjevar – forskingsmidlar og analyse

Vil du jobbe med å støtte medisinsk forsking i vår region?

Vi søker ein engasjert rådgjevar til ei fast stilling ved Forsking og innovasjon. Som vår nye medarbeidar vil du spele ei viktig rolle i å fremme medisinsk forsking og forskingssamarbeid i regionen.

Forsking og innovasjon inngår i Forskings- og utviklingsavdelinga. Eininga har ansvar for støtte- og rettleiingstenester innan forsking for alle sjukehusa i Helse Vest, og innan innovasjon for Haukeland universitetssjukehus. Forsking og innovasjon har ca. 65 medarbeidarar med høg kompetanse på ulike fagområde innan medisin, helsefag, kommunikasjon, jus, økonomi og forvaltning. Vi har ansvar for regionalt kompetansesenter for klinisk forsking, og for å legge til rette for regionalt samarbeid om forsking. Eininga tilbyr regional forskingsstøtte til kliniske studiar, og har ansvar for regionalt kompetansemiljø for metodevurderingar og har ei leiande rolle i felles nasjonale forskingsadministrative system og i oppfølging av nasjonale tenester i spesialisthelsetenesta. Forsking og innovasjon bidrar og i regionale, nasjonale og europeiske nettverk for forsking- og innovasjon. Vårt mål er å styrke både kvantiteten og kvaliteten på forsking gjennom profesjonell støtte til fagmiljøa.

Du vil inngå i eit team med både regionale og nasjonale oppgåver. Vi er sekretariat for Regionalt samarbeidsorgan for forsking og innovasjon, som er ein viktig arena for samarbeid på tvers av sektorane, og arbeider med tildeling og oppfølging av Helse Vest forskingsmidlar.

Arbeidsoppgåver

• Bidra til å styrke og vidareutvikle samarbeidet mellom deltakande institusjonar i samarbeidsorganet, mellom anna gjennom sekretariatets arbeid med førebuing og oppfølging av saker og strategiar
• Bidra i behandlinga av søknader om forskingsmidlar. Dialog med fagekspertar, søkarar og prosjektleiarar
• Følge opp prosjektporteføljen, inklusiv fagleg rapportering og å bidra til synleggjering av forsking i regionen
• Arrangere konferansar og møter for å styrke regionalt samarbeid mellom sektorane
• Delta i interne og eksterne prosessar for å støtte forskingsmiljøa i vår region, til dømes organisering og leiing av ulike arbeidsgrupper
• Andre oppgåver som er lagt til Forsking og innovasjon kan bli aktuelle

Kvalifikasjonar

• Relevant høgare utdanning på mastergradsnivå
• Relevant erfaring, gjerne frå helsesektor eller forskingsmiljø
• Særs gode ferdigheiter i munnleg og skriftleg kommunikasjon på norsk
• Det er ein fordel om du har erfaring med utgreiing og saksførebuing
• Du bør beherske analyseverktøy som Excel godt og ha god kompetanse på andre verktøy i Microsoft 365-portefølja
• Erfaring frå leiing av prosesser som krev koordinering er ein fordel
• Det er ønskeleg at du har erfaring med å halde presentasjonar og kurs
• Erfaring frå prosjekt- og prosessutvikling er ein fordel
• Gode ferdigheiter i munnleg og skriftleg kommunikasjon på engelsk er ein fordel

Personlege eigenskapar

• Sjølvstendig, engasjert, målretta og konstruktiv
• Utviklingsorientert og fleksibel
• Trivest med å jobbe i team
• Komfortabel med bruk av ny teknologi og digitale system i arbeidskvardagen
• Personlege eigenskapar for stillinga vil bli lagt vekt på

Vi tilbyr

• Spennande utfordringar i en organisasjon i sterk utvikling
• Et hyggeleg og kompetent miljø med fokus på kunnskapsdeling
• Interessante og krevjande arbeidsoppgåver
• Konkurransedyktige vilkår
• Gode kontorfasilitetar og sykkelparkering under tak

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.