Kjemikar ved Hormonlaboratoriet - fast stilling

Det er ledig fast stilling som kjemikar (mastergrad eller PhD i analytisk kjemi, biokjemi eller tilsvarande) ved Avdeling for medisinsk biokjemi og farmakologi (MBF).

Avdelinga er ei av åtte einingar organisert under Laboratorieklinikken i Helse Bergen og har om lag 350 tilsette. Avdelinga har 12 analytiske og 4 ikkje-analytiske seksjonar, samt tre legegrupper (medisinsk biokjemi, Hormonlaboratoriet og klinisk farmakologi), i tillegg til NAPOS, NOKLUS Vest, RELIS og SOReg.

Vi utfører eit breitt spekter av analysar innan medisinsk biokjemi og klinisk farmakologi og har moderne analyseinstrument. I tillegg til rutinedrift blir det drive forsking og utviklingsarbeid, og laboratoriet er akkreditert etter NS-EN ISO 15189.

Hormonlaboratoriet
Hormonlaboratoriet er eit spesiallaboratorium for hormonanalysar. Vi bidrar med informasjon, rettleiing og analysar til diagnostikk og oppfølging av endokrine sjukdomstilstandar for primærhelsetenesta, kliniske avdelingar og andre sjukehuslaboratorium.

Ved seksjonen jobbar bioingeniørar, kjemiingeniørar og kjemikarar, og vi samarbeider tett med spesialistar i laboratorieendokrinologi.

Hormonlaboratoriet nyttar to hovudplattformar i rutinediagnostikk: Immunokjemisk metodikk og Væskekromatografi kombinert med massespektrometri (LC-MS/MS).

Alle LC-MS/MS-metodane er utvikla av kjemikarar ved laboratoriet og blir brukt til analyse av steroidhormon, vitamin D-metabolittar, fettløyselege vitamin og tumormarkørar. Vi har også utvikla metodar til forskingsføremål. Automatisert prøveopparbeiding blir brukt for LC-MS/MS-metodane.

Vi søker nå etter ein positiv, engasjert og dyktig medarbeider til fast stilling som kjemikar.

Arbeidsoppgåver

• Utvikling, validering, implementering, vedlikehald og drift av LC-MS/MS metodar og instrument
• Dokumentasjon av metodar og utforming av prosedyrar
• Bistå i fagleg utvikling ved avdelinga
• Bistå med fagleg rådgiving i bruk og handtering av kjemikaliar
• Ein del av stillinga er knytta opp mot rutinedrift

Kvalifikasjonar

• Utdanning innan kjemi, biokjemi eller tilsvarande fagfelt på masternivå, siv.ing eller Ph.D
• Erfaring med metodeutvikling og drift av kromatografiske og massespektrometriske analysar
• Erfaring og kunnskap om prøveopparbeiding
• Relevant erfaring frå forsking- og utviklingsarbeid kan bli vektlagt
• Gode IKT-kunnskapar kan bli vektlagt
• Må meistre norsk munnleg og skriftleg

Personlege eigenskapar

• Evne til å arbeide målretta, sjølvstendig og strukturert
• Vere ein god team-arbeidar og bidra til godt arbeidsmiljø
• Må trivast i eit aktivt og travelt miljø
• Gode kommunikasjonsevner, både munnleg og skriftleg
• Arbeidsvillig med sterk gjennomføringsevne
• Punktleg, påliteleg og ansvarsbevisst
• Like varierte utfordringar

Vi tilbyr

• Lønn etter avtale
• Triveleg arbeidsmiljø
• Høgt fagleg nivå
• Fagleg og personleg utvikling
• Ein arbeidsplass som er ei inkluderande arbeidsliv-bedrift (IA-bedrift)
• Fleksibel arbeidstid

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.

Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.