Kvalitetsansvarleg blodbank, Bioingeniør II

Vi har ledig fast stilling som Kvalitetsansvarleg i Blodbanken.

Blodbanken i Helse Førde er organisert i felles avdeling med medisinsk biokjemi og er ei avdeling på tvers av sjukehusa i Førde, Lærdal og Nordfjordeid. I tillegg har vi ein tappestasjon i Florø. Personalet i avdelinga har høg kompetanse og består av bioingeniørar, helsesekretærar, overlegar og sjukepleiar. Bli kjent med oss i LMBB her.

Vi søkjer ein engasjert og kvalitetsbevisst bioingeniør for å vidareføre kvalitetsarbeidet i blodbanken i Førde. Dette gjer du i tett samarbeid med fagansvarlege og kvalitetsleiar i avdelinga.

🌟 Her får du:

• Variert arbeid innan medisinsk biokjemi og transfusjonsmedisin
• Tett samarbeid med erfarne kollegar i eit team på ca. 35 dedikerte medarbeidarar (bioingeniørar, helsesekretærar, legar og sjukepleiarar)
• Grundig opplæring og du er aldri aleine på vakt
• Tredelt turnus med tilpassing etter individuelle ønskjer
• Arbeide med topp moderne utstyr og automasjon

🌍 Førde – din nye by:

• Ein sjarmerande by med rikt kulturtilbod, butikkar, restaurantar og arrangementer
• Fantastisk tilgang til naturen: toppturar, skianlegg, båtliv og fiskemuligheter rett utanfor døra
• Sentralt plassert mellom Ålesund og Bergen. Oslo er berre ein kort flytur unna.
  

🎉 Sosialt miljø:
Vi trur på balanse mellom arbeid og fritid! Bli med på buldring, jogging, quiz, kampsport og andre kjekke og sosiale aktivitetar saman med kollegaer. Sjå Jobb med oss i Helse Førde for meir informasjon.

Om du har spørsmål til stillinga, må du gjerne ta kontakt.

Startdato etter avtale. Vi gledar oss til å bli kjent med deg!

Arbeidsoppgåver

• Medansvar for at kvalitetsrutiner i blodbanken er organisert på ein god måte, og i samsvar med gjeldande lover og overordna retningslinjer
• Kvalitetskontrollar av blodprodukt
• Ansvar for at instrument og utstyr er validert, verifisert og vedlikehalde
• Følgje opp og behandle avvik/uønska hendingar
• Utarbeide og oppdatere prosedyrer
• Opplæring og undervisning
• Delta i rutinearbeid
• Delta i avdelinga sin vaktturnus

Kvalifikasjonar

• Norsk autorisasjon som bioingeniør
• Kunnskap og interesse for kvalitetssikring
• Må beherske godt norsk både munnleg og skriftleg

Personlege eigenskapar

• Vere fagleg engasjert
• Jobbe strukturert og målretta
• Ha gode samarbeidsevner
• Evne til å jobbe sjølvstendig.
• Gode kommunikasjonsevner
• Bidra til eit godt arbeidsmiljø
• Må trivast i eit aktivt miljø med stadig nye utfordringar
• Vere serviceinnstilt

Vi tilbyr

• Lønn i samsvar med gjeldande overeinskomst
• Gode pensjons- og forsikringsordningar
• Opplæringsprogram for nytilsette
• Fagleg og personleg utvikling
• Triveleg og aktivt arbeidsmiljø
• Arbeid i IA-bedrift
• Hjelp med bustad, opplys i søknaden dersom det er ønskjeleg
  

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse

Helse Førde HF har ansvar for spesialisthelsetenestene i Sogn og Fjordane. Føretaket arbeider for å gje pasientar og brukarar eit godt og heilskapeleg tilbod innanfor gjeldande rammer. Helse Førde sine institusjonar og prehospitale tenester er organisert i eit heilskapleg nettverk, og samarbeidet med andre instansar som m.a. kommunane er høgt prioritert. Føretaket har om lag 3 200 tilsette og eit budsjett på over 3,6 milliardar kroner og er den største verksemda i Sogn og Fjordane. Forsking og innovasjon er og viktige oppgåver i sjukehuset. 

Helseføretaket er eigd av det statlege Helse Vest RHF. Føretaksgruppa i Helse Vest skal spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder,  fleirkulturell bakgrunn eller om du har hatt opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.