Medarbeidar i Preste- og samtaletenesta

Preste- og samtaletenesta har for tida tre sjukehusprestar og ein sjukehusdiakon i 100% stillingar. Vi har også ein sjukehusimam. Leiar og sekretær for sjukehuset sin kliniske etikkomite er også tilknytt seksjonen i høvesvis 50% og 20% stilling.

Helse Bergen behandlar pasientar innanfor somatikk, rusmedisin og psykisk helse, og Preste- og samtaletenesta bidrar innanfor alle desse fagområda.

Vi er tilgjengelege med døgnberedskap for pasientar, pårørande og sjukehuset sine medarbeidarar når dei treng oss. Vi møter menneske i ulike kriser og krevande livssituasjonar, noko som krev stor grad av sjølvstende og fleksibilitet mellom dei tilsette i tenesta.

Preste- og samtaletenesta samarbeider i ulike tverrfaglege forum med andre einingar i sjukehuset innan områder som beredskap/ krisehandtering, palliasjon, og klinisk etikk og klinisk kommunikasjon.

Vi har no ledig 100% fast stilling som medarbeidar i Preste- og samtaletenesta.

Arbeidsoppgåver

• Vere tilgjengeleg for samtalar om det pasientar eller pårørande ønsker å snakke om -uavhengig av livssyn
• Møte pasientar og pårørande i krevande livssituasjonar med omsorg og støtte
• Åndeleg/eksistensiell omsorg og kontekstuell ritualisering
• Støtte sjukehuset sine medarbeidarar i ein krevande kvardag og ved alvorlege hendingar
• Leie grupper og undervise innafor eige fagområde
• Ta del i tverrfaglege samarbeidsforum med andre einingar på sjukehuset
• Bidra til felles fagleg refleksjon og utvikling av Preste- og samtaletenesta i sjukehuset
• Arbeide i 5-delt vaktturnus med døgnberedskap og heimevakter

Kvalifikasjonar

• Teolog, livssynsfagi eller anna relevant utdanning på masternivå
• Erfaring i å møte menneske i krevande livssituasjonar
  
• Pastoralklinisk eller anna relevant utdanning er ønskeleg (t.d. innan krisehandtering, rettleiing, psykoterapi)
• Erfaring frå samarbeid med institusjonar innan helse og omsorg er ønskeleg
• Erfaring frå tilsvarande arbeid i sjukehus/institusjon er ønskeleg

Personlege eigenskapar

• Du kjenner omsorg for og vil støtte menneske i vanskelege livssituasjonar
• Du er livssynsopen og interessert i andre sine liv, tankar og tolkingar
• Du har evne til å forstå og orientere deg i komplekse organisasjonar
• Du er trygg på eigen kompetanse og får til å samarbeide godt med andre faggrupper
• Du ønsker å arbeide med og i relasjonar, til andre, til deg sjølv og til livet
• Du har vilje til å arbeide med eksistensielle tema, fagleg og i eige liv
• Du toler å stå i både uventa og krevjande situasjonar og du kan arbeide sjølvstendig og saman med andre når det er “høg temperatur”
• Du er godt kjent med og kan ivareta deg sjølv
• Du er støtte for dine kollegaer og kan sjølv ta imot støtte

Personlege eigenskapar og samansetting av teamet blir vektlagde

Vi tilbyr

• Eit utfordrande, variert, meiningsfylt og berikande arbeid i ein tverrfagleg kontekst
• Arbeid i ein stor organisasjon med høgt fagleg nivå
• Høve til fagleg og personleg utvikling
• Rettleiing og vidareutvikling
• Eit godt kollegafellesskap

Vi oppfordrar alle søkarar til å nytte Vitnemålsportalen for å laste opp vitnemål og karakterutskrifter.
Ved å bruke Vitnemålsportalen sikrar du at dokumenta dine er verifiserte og oppdaterte. Du finn meir informasjon om korleis du brukar Vitnemålsportalen på www.vitnemalsportalen.no. Har du har tatt utdanning i utlandet, må du legge ved godkjenning frå Direktoratet for høgare utdanning og kompetanse i søknaden (https://hkdir.no/utdanning-fra-utlandet). Om du ikkje finn alle dine relevante vitnemål i Vitnemålsportalen, kan du laste dei opp som eigne vedlegg til søknaden.