Controller
Ulstein Verft AS
- Frist 28.06.2024
- Ansettelsesform Fast
Controller
Ønsker du å bli ein del av eit engasjert team?
Ulstein Verft går inn i ei spennande fase med fleire kontraktar på både nybygg og ettermarknadsoppdrag. Vi gler oss over mykje aktivitet, og treng difor å utvide økonomiteamet vårt.
Vi er på jakt etter deg som ønsker å bidra til å vidareutvikle økonomifunksjonen i selskapet. Du vert ein del av eit inkluderande og fagleg sterkt team som er ein viktig del av økonomistyringa i prosjekta våre. Du vil få ein innhaldsrik og variert arbeidskvardag i tett samarbeid med store delar av organisasjonen.
Personleg utvikling trur vi er viktig for at du skal trivast hos oss. Opplæring vil bli gitt der det er naudsynt, og relevant erfaring kan kompensere for mangel på formell utdanning. Nyutdanna vert oppfordra til å søke.
Arbeidsoppgåver
Oppgåvene vil vere varierte, og vil blant anna innebere:
- Prosjektoppfølging med særskilt fokus på ettermarknad
- For- og etterkalkyler til salsavdelinga
- System- og prosessutvikling innan økonomiområdet
- Løpande rapportering og analysar av prosjekt du har ansvar for
- Utarbeide og oppdatere likviditetsprognosar
- Bistå økonomisjef og prosjektleiing med andre oppgåver ved behov
Kvalifikasjonar
- Høgare utdanning innan finans. økonomi eller rekneskap.
Kunnskap og erfaring som gjer jobben lettare
Vi ønsker å kome i kontakt med deg som har høgare utdanning innan finans, økonomi eller rekneskap, og som har eit ønske om å vere med på å utvikle økonomiområdet i Ulstein vidare. Då vil det hjelpe deg å vere strukturert, framoverlent og nysgjerrig, og sjå moglegheiter for forbetringar av eksisterande prosessar og rutinar. Du er resultatorientert og trivst med lagarbeid for å nå felles mål.Vi tilbyr
Om du er på jakt etter varierte arbeidsoppgåver, godt samhald og moglegheiter for personleg utvikling, så er dette plassen for deg. Vi har fleire sosiale arrangement gjennom året som gjer det enkelt å bli kjend med folk i heile organisasjonen. Er du glad i fysisk aktivitet, så tilbyr vi felles fjellturar og trimturar, og vi har sesongkort til kampar på Hødd og Hareid. Ulstein skal vere ein trygg arbeidsplass også i eit langsiktig perspektiv, så vi har gode forsikrings- og pensjonsordningar.
Om arbeidsgiveren
ULSTEIN er ein internasjonalt anerkjend leverandør av skipsdesign, skipsbygging og systemløysingar for skip. I meir enn 100 år har vi utvikla framtidsretta produkt og tenester for det maritime miljøet, og visjonen vår er å skape morgondagens løysingar for berekraftige marine operasjonar. ULSTEIN har aktivitet i fleire land, med hovudkontor i Ulsteinvik på Sunnmøre. Konsernet har 360 tilsette. Ulstein er ei lærlingbedrift og ei av hjørnesteinsbedriftene i kommunen.
Menneska i Ulstein er den viktigaste ressursen. Mangfald av ferdigheiter, personlegdommar, erfaring og bakgrunn skaper eit globalt team som kombinerer innovasjon, kvalitet og ekspertise.
Ulstein Verft bygger og leverer spesialfartøy i hovudsak innan offshoreenergi. Typiske prosjekt er bygging av avanserte skip med stor andel utrusting, som stiller høge krav til prosjektleiing, teknisk kunnskapsnivå og integrasjonskompetanse. Vår ekspertise innan engineering, installasjon og kommisjonering kjem til sin rett innan ettermarknadstenestene våre der vi leverer alle typar ombyggingar, reparasjonar og tørrdokkingar. Saman med Ulstein Elektro Installasjon er selskapet ein del av forretningsområdet Shipbuilding i ULSTEIN, og held ein høg standard innan kvalitet, gjennomføring og leveringspresisjon.
- Sektor: Privat
- Sted: Osnesvegen 110, 6065 Ulsteinvik
- Bransje: Industri og produksjon, Økonomi og regnskap
- Stillingsfunksjon: Controller, Kontor og administrasjon
- Arbeidsspråk: Norsk
Nøkkelord
Skipsbygging, Økonomi, Skipsindustri, Rekneskap
Annonseinformasjon
- FINN-kode 356957961
- Sist endret