Koordinator - Tungløft
Ulstein Verft AS
- Frist 31.07.2024
- Ansettelsesform Fast
Koordinator - Tungløft
Vil du jobbe med kranløft og transport i eit engasjert team?
Ulstein er eit familieeigd selskap som arbeidar innan det maritime området. Vi designar, bygger og leverer løysingar til skip samtidig som vi tilbyr eit breitt spekter av tenester innan ettermarknad. Vi likar å utfordre bransjen og kome opp med løysingar som reduserer miljøavtrykk og gir kundane våre konkurransefortrinn. Verdiane våre – å engasjere, innovere og avansere – bidreg til å skape eit godt arbeidsmiljø og gjer Ulstein til ein trygg og ansvarleg samarbeidspartnar.
Avdeling Heavy Lift ved Ulstein Verft spelar ei nøkkelrolle når ein skal flytte eller løfte tungt utstyr og seksjonar. Vi leverer krantenester, tungløft og transport med lekter. Ved å kombinere bruken av mobil beltekran som kan løfte opptil 600 tonn, lekter og multiwheeler utfører vi oppdrag både på land og langs norskekysten.
Heavy Lift har aukande aktivitet og søker derfor etter ein koordinator som ynskjer å utvikle og skape resultat saman med oss.
Oppgåver du vil jobbe med
Arbeidsoppgåvene er varierte, og kan blant anna innebere:
- Delta ved kranoperasjonar og ballastering av lekter
- Lage løfte- og fortøyingsarrangement
- Vedlikehald av utstyr som t.d. kran og lekter
- Assistere ved kalkulering og sal
Kvalifikasjonar
- Sertifikat G1 og G3
- Erfaring med AutoCad
- God tverrfagleg forståing for kranoperasjonar
- God teikningsforståing
- Erfaring frå skipsbygging og maritim industri vil bli tillagt vekt
Kunnskap og erfaring som gjer jobben lettare
Mange av oppgåvene som skal løysast krev praktisk og teknisk forståing. Vi er derfor ute etter deg med erfaring frå kranoperasjonar eller anna tilsvarande erfaring. Det vil også vere nødvendig å kunne kommunisere på norsk og/eller engelsk slik at vi kan diskutere og løyse oppgåvene våre i lag. Vi ønsker også ein med gode samarbeidsevner, og god HMS-haldning.
Lagånda står sterkt i Ulstein og saman skal vi hjelpe kvarandre og kundane våre og gjere Ulstein til ein trygg og kjekk arbeidsplass.
Kvifor velje Ulstein som arbeidsplass
Ulstein Verft byr på varierte arbeidsoppgåver, gode kollegaer og moglegheit for personleg utvikling. Ulstein er ein trygg arbeidsplass med gode HMS-verdiar, gode forsikrings- og pensjonsordningar og fleksitidsavtale for våre tilsette.
I hjartet av Sunnmøre
Om du treng å flytte for å jobbe i Ulstein, så er Ulsteinvik og kommunane rundt ein flott plass å bu i hjartet av Sunnmøre. Det er kort veg til kino, konsertar, badeland, klivrehall, restaurantar og butikkar. Omkransa av fjell og turterreng til fots, på sykkel eller ski. Og berre ein liten times reise til bylivet i Ålesund eller naturopplevingar i Sunnmørsalpane.
Om arbeidsgiveren
ULSTEIN er ein internasjonalt anerkjend leverandør av skipsdesign, skipsbygging og systemløysingar for skip. I meir enn 100 år har vi utvikla framtidsretta produkt og tenester for det maritime miljøet, og visjonen vår er å skape morgondagens løysingar for berekraftige marine operasjonar. ULSTEIN har aktivitet i fleire land, med hovudkontor i Ulsteinvik på Sunnmøre. Konsernet har 360 tilsette. Ulstein er ei lærlingbedrift og ei av hjørnesteinsbedriftene i kommunen.
Menneska i Ulstein er den viktigaste ressursen. Mangfald av ferdigheiter, personlegdommar, erfaring og bakgrunn skaper eit globalt team som kombinerer innovasjon, kvalitet og ekspertise.
Ulstein Verft bygger og leverer spesialfartøy i hovudsak innan offshoreenergi. Typiske prosjekt er bygging av avanserte skip med stor andel utrusting, som stiller høge krav til prosjektleiing, teknisk kunnskapsnivå og integrasjonskompetanse. Vår ekspertise innan engineering, installasjon og kommisjonering kjem til sin rett innan ettermarknadstenestene våre der vi leverer alle typar ombyggingar, reparasjonar og tørrdokkingar. Saman med Ulstein Elektro Installasjon er selskapet ein del av forretningsområdet Shipbuilding i ULSTEIN, og held ein høg standard innan kvalitet, gjennomføring og leveringspresisjon.
- Sektor: Privat
- Sted: Osnesvegen 110, 6065 Ulsteinvik
- Bransje: Industri og produksjon, Maritim og offshore, Verksindustri
- Stillingsfunksjon: Andre montører
- Arbeidsspråk: Norsk
Nøkkelord
Skipsindustri, Skipsbygging, Koordinator, Verksindustri
Annonseinformasjon
- FINN-kode 356950765
- Sist endret