Operatør Brennemaskin
Ulstein Verft AS
- Frist 30.06.2024
- Ansettelsesform Fast
Operatør Brennemaskin
Vil du jobbe med skipsbygging i eit engasjert team?
Ulstein Verft er inne i ei spennande fase med fleire kontraktar på både nybygg og ettermarknadsoppdrag. Vi gler oss over ein langsiktig og stabil horisont med mykje aktivitet, og treng difor fleire dyktige kollegaer i teamet vårt. Hos oss vert du utfordra gjennom nye oppgåver, og vi lærer av kvarandre for at jobben vi gjer skal bli best mogleg.
Har du ikkje alle kvalifikasjonane vi er ute etter, vert du likevel oppmoda om å søke.
Korleis er det å jobbe i Ulstein Verft?
Det å jobbe på eit skipsverft er sosialt og lærerikt. Arbeidsdagen er prega av spennande og utfordrande oppgåver som skal løysast og du vil jobbe ilag med mange dyktige kollegaer. Vi har gode produksjonsfasilitetar der arbeidet i all hovudsak går føre seg innandørs i vår utrustnings- og dokkhall. Det er ei god kjensle å vere ein del av eit over 100 år gamalt selskap forbunden med kvalitet, pålitelegheit og leveringspresisjon.
Arbeidsoppgåver
Arbeidsoppgåvene er varierte, og vil blant anna innebere:
- Betene brennemaskina
- Halde orden på vårt interne stållager
- Motta brennefiler og programmere for brenning (Nesting)
- Oppretthalde system for mottak av brennefiler
- Dagleg drift og vedlikehald av brennemaskin
- Arbeid på Avdeling Stålutrustning når brennemaskina ikkje er i drift
Kva kvalifikasjonar søker vi?
Mange av våre tilsette ved avdelinga har fagbrev som industrimekanikar eller platearbeidar.
Oppgåvene som skal løysast krev praktisk og teknisk forståing. Det er derfor nyttig med erfaring frå skipsbygging og maritim verksemd. Det vil også vere nødvendig å kunne kommunisere på norsk og/eller engelsk slik at vi kan diskutere og løyse oppgåvene våre.
Lagånda står sterkt i Ulstein og saman skal vi hjelpe kvarandre og kundane våre og gjere Ulstein til ein trygg og kjekk arbeidsplass. Med godt humør og vilje til å bidra vil du passe godt inn hos oss.
Kva personlege eigenskapar søker vi?
- Sjølvstendig og lærevillig
- Gode samarbeidsevner
- Gode HMS-verdiar
Vi tilbyr
Ulstein Verft byr på varierte arbeidsoppgåver, gode kollegaer og moglegheit for personleg utvikling. Ulstein er ein trygg arbeidsplass med gode HMS-verdiar, gode forsikrings- og pensjonsordningar og fleksitidsavtale for våre tilsette.Om arbeidsgiveren
ULSTEIN er ein internasjonalt anerkjend leverandør av skipsdesign, skipsbygging og systemløysingar for skip. I meir enn 100 år har vi utvikla framtidsretta produkt og tenester for det maritime miljøet, og visjonen vår er å skape morgondagens løysingar for berekraftige marine operasjonar. ULSTEIN har aktivitet i fleire land, med hovudkontor i Ulsteinvik på Sunnmøre. Konsernet har 360 tilsette. Ulstein er ei lærlingbedrift og ei av hjørnesteinsbedriftene i kommunen.
Menneska i Ulstein er den viktigaste ressursen. Mangfald av ferdigheiter, personlegdommar, erfaring og bakgrunn skaper eit globalt team som kombinerer innovasjon, kvalitet og ekspertise.
Ulstein Verft bygger og leverer spesialfartøy i hovudsak innan offshoreenergi. Typiske prosjekt er bygging av avanserte skip med stor andel utrusting, som stiller høge krav til prosjektleiing, teknisk kunnskapsnivå og integrasjonskompetanse. Vår ekspertise innan engineering, installasjon og kommisjonering kjem til sin rett innan ettermarknadstenestene våre der vi leverer alle typar ombyggingar, reparasjonar og tørrdokkingar. Saman med Ulstein Elektro Installasjon er selskapet ein del av forretningsområdet Shipbuilding i ULSTEIN, og held ein høg standard innan kvalitet, gjennomføring og leveringspresisjon.
- Sektor: Privat
- Sted: Osnesvegen 110, 6065 Ulsteinvik
- Bransje: Industri og produksjon, Maritim og offshore, Verksindustri
- Stillingsfunksjon: Produksjon
- Arbeidsspråk: Norsk
Nøkkelord
Skipsindustri, Verksindustri, Skipsbygging
Annonseinformasjon
- FINN-kode 356787966
- Sist endret