Disiplinleiar - Produksjon Interiør
Ulstein Verft AS
- Frist 30.06.2024
- Ansettelsesform Fast
Disiplinleiar - Produksjon Interiør
Vil du jobbe med skipsbygging i eit engasjert team?
Ulstein Verft er inne i ei spennande fase med fleire signerte kontraktar på både nybygg og ettermarknadsoppdrag. Vi gler oss over ein langsiktig og stabil horisont med høg aktivitet.
Stillinga omfattar avansert og sjølvstendig arbeid og har ansvar for fagfeltet Interior/Accommodation, og koordinering av personell innan aktuelt prosjekt og fagfelt. Om du ikkje har alle kvalifikasjonane vi er ute etter, vert du likevel oppmoda om å søkje.
Korleis er det å jobbe i Ulstein Verft?
Det å arbeide på eit skipsverft er sosialt og lærerikt. Arbeidsdagen er prega av spennande og utfordrande arbeidsoppgåver som skal løysast, og du jobbar i lag med mange dyktige kollegaer.
Oppgåver du vil jobbe med
- Koordinering av aktivitetar innan ditt fagområde
- Følge opp produksjon i forbindelse med prosjektet si tidsramme
- Følge opp prosjekt
- Støtte og delta i ettermarknadsarbeid
- Oppfølging av bortsett arbeid
Kunnskap og erfaring som kan gjere jobben lettare
Vi ønskjer å kome i kontakt med deg som har relevant utdanning innan yrkesfag, fagskule eller høgskule, og som har god teknisk forståing. Har du relevant erfaring frå leiing - og gjerne innan maritim industri - vil det vere ein fordel. Du må også kommunisere både på norsk og engelsk, og det er svært nyttig å ha god systemforståing og IT-kompetanse.
Personlege eigenskapar
- Gode kommunikasjons- og samarbeidsevner
- Strukturert og ryddig med auge for kvalitet
- Innovativ og engasjert
- Løysingsorientert
- Evne til å samarbeide
Vi tilbyr
- Varierte og interessante arbeidsoppgåver
- Konkurransedyktig løn
- Fleksitidsavtale
- Gode forsikrings- og pensjonsordningar
- Kantineordning
Om arbeidsgiveren
ULSTEIN er ein internasjonalt anerkjend leverandør av skipsdesign, skipsbygging og systemløysingar for skip. I meir enn 100 år har vi utvikla framtidsretta produkt og tenester for det maritime miljøet, og visjonen vår er å skape morgondagens løysingar for berekraftige marine operasjonar. ULSTEIN har aktivitet i fleire land, med hovudkontor i Ulsteinvik på Sunnmøre. Konsernet har 360 tilsette. Ulstein er ei lærlingbedrift og ei av hjørnesteinsbedriftene i kommunen.
Menneska i Ulstein er den viktigaste ressursen. Mangfald av ferdigheiter, personlegdommar, erfaring og bakgrunn skaper eit globalt team som kombinerer innovasjon, kvalitet og ekspertise.
Ulstein Verft bygger og leverer spesialfartøy i hovudsak innan offshoreenergi. Typiske prosjekt er bygging av avanserte skip med stor andel utrusting, som stiller høge krav til prosjektleiing, teknisk kunnskapsnivå og integrasjonskompetanse. Vår ekspertise innan engineering, installasjon og kommisjonering kjem til sin rett innan ettermarknadstenestene våre der vi leverer alle typar ombyggingar, reparasjonar og tørrdokkingar. Saman med Ulstein Elektro Installasjon er selskapet ein del av forretningsområdet Shipbuilding i ULSTEIN, og held ein høg standard innan kvalitet, gjennomføring og leveringspresisjon.
- Sektor: Privat
- Sted: Osnesvegen 110, 6065 Ulsteinvik
- Bransje: Industri og produksjon, Maritim og offshore, Verksindustri
- Stillingsfunksjon: Ledelse, Produksjon, Prosjektledelse
- Arbeidsspråk: Norsk
Nøkkelord
Skipsverft, Skipsindustri, Fagansvarleg
Annonseinformasjon
- FINN-kode 356778469
- Sist endret