Førsteamanuensis / førstelektor / høgskulelektor i engelsk
- Arbeidsgiver: Høgskulen på Vestlandet
- Stillingstittel: Førsteamanuensis / førstelektor / høgskulelektor i engelsk språk, litteratur og kulturkunnskap
- Frist: 08.06.2024
- Ansettelsesform: Vikariat
Førsteamanuensis / førstelektor / høgskulelektor i engelsk språk, litteratur og kulturkunnskap
Ved Høgskulen på Vestlandet (HVL) er det ledig inntil to mellombels stillingar, eller fleire stillingar som til saman utgjer 200%, som førsteamanuensis/førstelektor/høgskulelektor i engelsk ved Fakultet for lærarutdanning, kultur og idrett.
Stillingane inngår i Institutt for språk, litteratur, matematikk og tolking, campus Sogndal og er ledig i tida 01.08.2024 - 31.07.2025.
Inntil 2 mellombelse stillingar betyr at stillingane kan vere 2 på 100% eller fleire, ikkje mindre enn 50%, som til saman utgjer 200%.
Arbeidsstaden er Sogndal.
Ansvars- og arbeidsoppgåver:
Stillinga har følgjande ansvars- og arbeidsoppgåver:
- Undervise, rettleie og utvikle studentaktive læringsformer i tråd med krav i studietilsynsforskrifta
- Arbeidsoppgåvene vil primært vere undervisning, rettleiing, vurdering og vidareutvikling av det digitale årsstudiet i engelsk. Sekundært kan det bli aktuelt med undervisning, rettleiing, vurdering og praksisoppfølging på grunnskulelærarutdanningane og innanfor etter- og vidareutdanning, samt arbeidsoppgåver knytt til tilskotsordningar som ReKomp, DeKomp og Kompetanseløftet.
- Institusjonsbyggjande arbeid irekna: fagadministrative oppgåver og samhandling med eksterne partnarar
- Aktivt bruke digitale verktøy i arbeidskvardagen
- Det kan bli aktuelt med noko reising i stillinga.
Kvalifikasjonskrav:
Formell utdanning og kompetanse:
Kriteria for tilsetting i undervisnings- og forskarstilling går fram av Forskrift om ansettelse og opprykk i undervisnings- og forskerstillinger (https://lovdata.no/dokument/SF/forskrift/2006-02-09-129?q=Forskrift%20om%20ansettelse%20og%20opprykk).
For tilsetting som førsteamanuensis må søkjar ha doktorgrad i innan engelsk lingvistikk eller engelsk litteratur eller innanfor eit område med klar relevans for engelsk lingvistikk eller engelsk littteratur.
For tilsetting som førstelektor må søkjar ha dokumentert omfattende forsknings- og utviklingsarbeid som i kvalitet og omfang tilsvarer arbeidsmengde og nivå for en doktorgradsavhandling, og med tilsvarande relevanskrav som for førsteamanuensis.
For tilsetting som høgskulelektor må søkjar ha hovudfag/mastergrad med gode resultat, normalt A eller B på masteroppgåva, og med relevans for stillingsprofilen.
Samla sett skal stillingane dekke inne både lingvistiske og litterære emne. Den som blir tilsett må ha gode samarbeids- og formidlingsevner, men òg evne til å arbeide sjølvstendig, ta initiativ og vere fleksibel. Høgt etisk medvit i møte med studentar er påkravd.
Undervisningsspråket er engelsk og det krevst høg kompetanse i munnleg og skriftleg engelsk. Administrasjonsspråket er norsk, og søkarar må meistre norsk munnleg og skriftleg, eventuelt eit anna skandinavisk språk.
Den som blir tilsett må vere personleg egna for stillinga.
Følgjande tel positivt i vurderinga:
- Erfaring og kompetanse knytt til digital undervisning og pedagogisk bruk av IKT
- Relevant erfaring frå undervisning i høgare utdanning
- Formell praktisk-pedagogisk kompetanse
- Erfaring og kompetanse knytt til utvikling av digitale studium
Aktuelle kandidatar vert kalla inn til intervju.
Korleis søkje på stillinga?
Send søknad og CV ved å klikke på knappen merka "Søk stillinga" på denne sida.
Vi gjer merksam på at søknadar vert vurdert ut frå den informasjonen som er lagt inn i www.jobbnorge.no (http://www.jobbnorge.no) ved søknadsfristens utløp. Det er søkjar sitt ansvar å sørgje for at alle relevante vedlegg er lagt inn innan fristen, irekna:
- Vitskaplege arbeida (inntil 5 stk.)
- Fullstendig publikasjonsliste
- Attestar og vitnemål.
Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv lasta opp attesterte omsetjingar. Om vedlegga overstig 25 MB må dei komprimerast før opplasting eller leggjast ved som lenkje, total maksgrense for opplasting av vedlegg er 50 MB.
Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad. Sjå www.hkdir.no for meir informasjon om vurdering av høgare utdanning. (https://hkdir.no/utdanning-fra-utlandet/jeg-har-utdanning-fra-utlandet/sok-godkjenning-av-hoyere-utdanning-bachelor-master-ph-d)
HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vera tilstrekkeleg å leggje ved dokumentasjon på dette. Du kan lese meir om ordninga med automatisk godkjenning her. (https://hkdir.no/utdanning-fra-utlandet/jeg-har-utdanning-fra-utlandet/sok-godkjenning-av-hoyere-utdanning-bachelor-master-ph-d/automatisk-godkjenning-et-raskere-alternativ)
Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga. Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din.
Søknadar kan ikkje sendast på e-post til enkeltpersonar ved høgskulen.
Vi tilbyr:
- Gode pensjons- og forsikringsordningar i Statens pensjonskasse
- Spanande fagmiljø med moglegheit for kompetanseheving - og utvikling
- Høve for trening i arbeidstida
Stillinga som førsteamanuensis / førstelektor / høgskulelektor er lønna etter Statens lønsregulativ, i stillingskode 1011 - Førsteamanuensis / 1198 - Førstelektor / 1008 - Høgskulelektor.
Frå løna vert det trekt 2 % innskot til Statens pensjonskasse.
Generell informasjon:
Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje.
Den statlege arbeidsstyrken skal i størst mogleg grad spegle mangfaldet i befolkninga. Det er difor eit personalpolitisk mål å oppnå ein balansert alders- og kjønnssamansetning og rekruttere personar med minoritetsbakgrunn, nedsett funksjonsevne og hol i CV.
Høgskulen på Vestlandet er underlagt forskrift for eksportkontrollsystem. Forskriften kan komme til anvending i behandlingen av søknadane.
Kontaktpersonar ved Høgskulen på Vestlandet er:
Konstituert instituttleiar Tom Rune Kongelf
Tlf.: 990 17 802
E-post: tom.rune.kongelf@hvl.no
Faggruppeleiar Monica Tove Vattedal
Tlf.: 57 67 61 45
E-post: monica.tove.vattedal@hvl.no
Inkludere, utfordre og samhandle
Les meir på våre heimesider. (http://www.hvl.no)
Om arbeidsgiveren
Vi har sterke og innovative fagmiljø innan helse- og sosialvitskap, ingeniør- og naturvitskap, økonomi, samfunnsvitskap og maritime studier, og lærarutdanning, kultur og idrett. HVL tilbyr bachelor-, master- og doktorgradsutdanningar og ulike årsstudium.
HVL er tett på arbeidslivet, regionen og studentane, og har mål om å bli eit universitet med profesjons- og arbeidslivsretta profil.
Fakultet for lærarutdanning, kultur og idrett har fire institutt med tilsette i Bergen, Sogndal og på Stord. Fakultetet er ein av dei største lærarutdanningsinstitusjonane i landet med rundt 6600 studentar og 550 tilsette, og tilbyr barnehagelærarutdanning, grunnskulelærarutdanning for 1.-7. og 5.-10. trinn, praktisk-pedagogisk utdanning, bachelorutdanningar, masterutdanningar og Ph.d.-program. Fakultetet har eit omfattande etter- og vidareutdanningstilbod. Forskingsaktiviteten ved fakultetet blir organisert i forskingsprogram og forskargrupper.
Institutt for språk, litteratur, matematikk og tolking har omlag 160 tilsette i Bergen, Sogndal og på Stord.
Instituttet gjev undervisning på alle nivå og er involvert i barnehagelærarutdanninga, grunnskulelærarutdnningane, og i bachelorutdanninga i teiknspråk og tolking. I tillegg bidreg instituttet i to-årige masterutdanningar og i Ph.d.-programmet Studier av danning og didaktiske praksisar. Instituttet har eit omfattande etter- og vidareutdanningstilbod.
Tilsette på instituttet er involvert i forsking som er relevant for utdanningane våre og deltar i fagleg nettverksarbeid både nasjonalt og internasjonalt. Instituttet har som mål å vere i front av skule- og profesjonsorientert kompetanseutvikling innanfor sine fagfelt. I denne samanhengen er vi i kontinuerleg samarbeid med viktige aktørar i regionen om til dømes vidareutdanning og skule- og barnehagebasert kompetanseutvikling.
- Sektor: Offentlig
- Antall stillinger: 2
- Sted: Røyrgata 6, 6856 Sogndal
- Bransje: Forskning, utdanning og vitenskap, Offentlig administrasjon
- Stillingsfunksjon: Undervisning og pedagogikk / Lærer/Lektor, Undervisning og pedagogikk / Professor/Førsteamanuensis
- FINN-kode 354256332
- Sist endret