Pedagog/spesialpedagog/spesialist i klinisk pedagogikk

Avdeling for Psykisk helsevern for barn og unge er delt i fire seksjonar; ein sengepost og tre poliklinikkar.

Sogndal BUP har ledig fast stilling for pedagog/spesialpedagog/ spesialist i kliniskpedagogikk frå 01.09.2024.

Sogndal BUP er samlokalisert med Indre Sogn Psykiatrisenter, og er ein del av eit stort fagmiljø innan psykisk helsevern. Vi tilbyr poliklinisk spesialisthelsetjeneste til barn, unge og familiar i kommunane Aurland, Luster, Lærdal, Sogndal, Vik og Årdal.

Sogndal BUP har erfarne medarbeidarar og god spesialistdekning. Vi vektlegg trivsel og fellesskap, og har eit positivt arbeidsmiljø prega av høg fagleg kvalitet og rom for fagleg fordjuping.

Den som får tilbod om tilsetjing må legge fram tilfredsstillande politiattest (vandel), jfr Lov om helsepersonell § 20a. Attesten skal ikkje vere eldre enn 3 mnd.

Arbeidsoppgåver

• Utgreiing og behandling av barn og ungdom med psykiske vanskar
• Samarbeid og rettleiing til samarbeidspartar
• Delta i fag- og kompetanseutvikling
• Det må påreknast noko reiseverksemd

Kvalifikasjonar

• Utdanning som grunnskulelærar eller barnehagelærar
• Spesialist i klinisk pedagogikk eller hovedfag / mastergrad i pedagogikk eller spesialpedagogikk
• Dersom den som vert tilsett ikkje har klinisk vidareutdanning, må vedkomande vere villig til å gjennomføre denne utdanninga snarast mogeleg
• Erfaring frå skule, barnehage eller PPT
• Erfaring med tverrfagleg samarbeid
• Gode kommunikasjonsevner på norsk, både munnleg og skriftleg

Personlege eigenskapar

• Evne til å arbeide sjølvstendig og ta ansvar
• Gode samarbeidsevner
• Motivasjon og interesse for fag- og utviklingsarbeid
• Skape tryggleik hjå pasientar og deira føresatte

Ved vurdering av søkarar til stillinga, vil personlege eigenskapar bli tillagt vekt.

Vi tilbyr

• Løn etter avtale
• Gode pensjons- og forsikringsordningar
• Varierte og spanande arbeidsoppgåver
• Gode moglegheiter for fagleg utvikling
• Engasjerte, dyktige og erfarne kollegaer
• Triveleg arbeidsmiljø

Mangfaldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.