Det Vestnorske Teateret søkjer Sals- og Marknadssjef i fast 100% stilling.

Det Vestnorske Teateret søkjer ein kreativ og nytenkande Sals- og marknadssjef til ei av dei mest spanande og utfordrande marknadsoppgåvene på Vestlandet.

Sals- og marknadssjef er ei strategisk og operativ stilling. Du har ansvar for å leie sals- og marknadsavdelinga sitt arbeid med å styrke Det Vestnorske Teateret som merkevare gjennom målretta og strategisk marknadsarbeid. Med utgangspunkt i teateret sin strategi, skal du sørge for at det er en tydeleg retning i avdelinga sine aktivitetar.

Det er ei fast 100% stilling ved teateret. Sals- og marknadssjef er organisatorisk plassert i staben til direktør, men rapporterer og til teatersjef innanfor sitt ansvarsområde.

Arbeidet består mellom anna i å:

- auke kjennskapen til teateret

- ha ansvar for ei aktiv publikumsutvikling, der ein arbeider systematisk med kjernepublikummet og samstundes søkjer å nå ut til nye grupper

- følgje opp teateret sitt CRM-system

- utarbeide lange- og kortsiktige planar for sals- og marknadsarbeidet, og sørgje for at desse vert følgt opp i ettertid

- ansvar for å ta vare på og vidareutvikle merkevara

- ha den naudsynte kontakten med skular, bedrifter, lag og organisasjonar i samband med sals- og speleplanen for teateret

- ha ansvar for billettsystemet og vere "superbruker" og dagleg operativ på systemet

- personalansvar for avdelinga

- ha ansvar for publikumsstatistikken

Det ligg eit økonomisk ansvar til stillinga for å utarbeide budsjett og følgje opp dei økonomiske rammene som vert avtala.

Stillinga inngår i teateret si leiargruppe.

Sals- og Marknadsjef arbeider i hovudsak dagtid, men ein må rekne med kvelds- og helgearbeid i samband med premierar og andre arrangement på teateret.

Vi søkjer etter:

ein person som ynskjer å bidra til eit godt og inkluderande arbeidsmiljø, og som kjenner seg igjen i noko av det som er lista opp under:

•           evne til å inspirere, delegere og motivere medarbeidarar

•           evne til å ta eigarskap til å fylle flest mogleg seter både på eigen scene og på turné

•           evne til å bryte mål ned i konkrete tiltak

•           stor gjennomføringsevne og pådrivareigenskaper

•           ha dokumenterte erfaringar og resultat innan salsleiing og publikumsutvikling

•           god digital kunnskap, og med forståing av kommunikasjonsteknologi

•           god framstillingsevne på norsk og fortrinnsvis og skriftleg på nynorsk, som er administrasjonsspråket

•           økonomisk/marknadsretta utdanning

•           bransjekunnskap eller annan relevant erfaring er ein fordel

•           positiv, strukturert, løysingsorientert, fleksibel og serviceinnstilt haldning

•           leiarerfaring er ynskjeleg.

Vi kan tilby:

•           Ein utfordrande og allsidig jobb i et triveleg og kreativt miljø

•           Løn etter avtale

•           God pensjons- og forsikringsordning

•           Avspaseringsordning, og god ferieordning

Det Vestnorske Teateret ynskjer å vere ein arbeidsgjevar som speglar mangfaldet i samfunnet og utnyttar potensialet i den samla kompetansen i befolkninga. Me oppfordrar difor alle kvalifiserte kandidatar til å søkje jobb hos oss. Alle førespurnadar vert handsama konfidensielt.

Det Vestnorske Teateret er underlagt Lov om offentlegheit. Det kan gjerast unntak frå offentlegheit om søkjer ber om det. Søkjer vil bli varsla om unntak frå offentlegheit ikkje vert innvilga.

For nærare opplysningar kontakt direktør Atle Marøen: tlf. 9053 2006, eller teatersjef Thomas Bye, tlf. 9075 6479.

e-post: atle(a)detvestnorsketeateret.no, thomas(a)detvestnorsketeateret.no