Spesialpedagog/vernepleiar med pedagogikk

Arbeidsoppgåver

Undervisning for elevar som har enkeltvedtak om spesialundervisning. Undervisninga går også føre seg i tilrettelagt gruppe. Det er for tida størst behov knytt til elevar med samansette behov.
Ved endra behov kan andre arbeidsoppgåver bli lagt til stillinga.

Kontaktlæraransvar kan bli lagt til stillinga.

Kvalifikasjonar

Til alle undervisningsstillingar er det krav om relevant fagleg og pedagogisk kompetanse.
Lærarutdanning eller høgare utdanning som gjev kompetanse som tek vare på elevane si tilrettelagde opplæring, jamfør ny Opplæringslov § 11-9.
Spesialpedagogisk kompetanse, også opplæring i grunnleggjande kompetansar.
Kompetanse og erfaring med undervisning av elevar som har rett til spesialundervisning.

Vi søkjer deg som:
- set elevane si læring og læringsmiljø i sentrum og er oppteken av elevmedverknad
- byggjer gode relasjonar med ungdom
- er ein tydeleg og trygg vaksen
- formidlar lærestoff på ein konkret og enkel måte og ser samanheng mellom teori og praksis
- har evne til å planleggje og gjennomføre opplæring som sikrar læringsprogresjon for alle elevar
- har gode kommunikasjonsevner, både munnleg og skriftleg
- meistrar ulike metodar og opplæringsarenaer
- har erfaring i bruk av IKT som arbeidsverktøy.

Det er ønskjeleg med erfaring med bruk av alternativ og supplerande kommunikasjon.

Personlege eigenskapar

Du har engasjement og trivast saman med ungdom.
Du brenn for fagområdet spesialundervisning/individuelt tilpassa opplæring.
Du er fleksibel, tolmodig og har god relasjonskompetanse.
Du er utviklingsorientert og ønskjer å vidareutvikle skulen sin praksis.
Personlege eigenskapar vil bli særleg vektlagt.

Vi tilbyr

Me kan tilby eit godt og triveleg arbeidsmiljø på ein flott skule. Tett kollegasamarbeid og god delingskultur. Gode forsikrings- og pensjonsordningar.For stillinga gjeld løns- og arbeidsvilkår fastsett i lov- og avtaleverk.

Andre opplysningar:
I følgje offentleglova §25.2.ledd, kan opplysningar om søkjaren verta offentleggjort sjølv om søkjaren har oppmoda om ikkje å bli ført opp på offentleg søkjarliste. Søkjaren vil alltid bli varsla på førehand dersom dette vert gjort.
Administrasjonsmålet i Vestland fylkeskommune er nynorsk.
Alle nytilsetjingar i Vestland fylkeskommune blir gjort med ei prøvetid på 6 månadar.

Det er krav om politiattest.