Senior prosjetktleiar nybygg

VI HAR LEDIG STILLING SOM SENIOR PROSJEKTLEIAR NYBYGG I VERDAS LEIANDE FERGESELSKAP!

Nybygg er organisert under divisjonen Teknologi og prosjekt (T&P) i lag med Teknisk driftsstøtte, Teknologi og utvikling, Anbodsstøtte og Prosjektrealisering. Totalt tel T&P 18 dyktige og dedikerte kollegaer innan ulike tekniske fagfelt.

Nybygg har ansvar for bygging av nye fartøy og ombygging/oppgradering av dei eksisterande. I stillinga vil du følgje opp nybyggings- og ombyggingsprosjekt frå idéstadium til ferdig produkt. Dette gjer du i tett samarbeid med driftsorganisasjon, designselskap, verft, utstyrsleverandørar, klasse og myndigheiter. Du vil og jobbe med teknologiutvikling og implementering av ny teknologi på våre fartøy, samt delta i anbodsarbeid knytt til fartøykonsept, energisystem, rutestudier og kalkylar.

Lura du fortsett på kvifor du skal søkje på stillinga?

Du blir del av eit team som er bygd på kjerneverdiane godt humør, open og ærleg, påliteleg, lønsemd, samhandling og stoltheit. I Fjord1 skapar vi ein arbeidskultur der smil og entusiasme trivast. Vi setter stor pris på open kommunikasjon og ærlege tilbakemeldingar, dette skapar tillit både internt og eksternt. Vi er opptekne av å dele tankar og idear fritt. Vi tar pålitelegheit på alvor og drivast av å levere kvalitet i alt vi gjer.

For å lukkast må vi ha smarte strategiar, god lønnsemd og effektiv drift slik at vi skapar rom for vekst og utvikling. Teamarbeid er avgjerande for vår suksess, og vi samarbeida på tvers av avdelingar og fagområde. I Fjord1 er vi stolte av arbeidet vårt og den rolla vi har i samfunnet og det grøne skiftet.

Kven håpar vi at du er?

Vi ser etter deg som er løysingsorientert og som trivast med stor grad av samhandling. Du er systematisk, analytisk og nysgjerrig på ny teknologi ,og moglegheitene som ligg i dette. For å lykkast i stillinga må du ha gode kommunikasjonseigenskaper, evne til å engasjere, motivere og styre både interne og eksterne prosjektdeltakarar.

Reising til spennande prosjekt i inn og utland må påreknast.

Har du lyst å delta i oppbygginga av ei meir berekraftig ferjenæring og lede an i teknologiutviklinga? Då håpar vi at du sender oss din søknad!

Arbeidsoppgåver

• Sentral i utvikling av avdelinga og medarbeidarar
• Prosjektleiar for tildelte nybygg og/eller større ombyggingar
• Fagleg ansvar for byggjeoppfølgingsteam
• Vere teknisk kompetanse innafor anbodsprosessar
• Kontaktperson mot verft, klasse og myndigheiter ved gjennomføring av prosjekt
• Ta del i prosessar for utvikling av nye ferjer/hurtigbåtar og ombyggingsprosjket
• Vere ein ressurs innan forståing og utvikling av regelverk

Ønska kvalifikasjonar

• Høgare utdanning innan relevant fagfelt, gjerne maskin- eller marinteknikk
• Arbeidserfaring frå verft, reiarlag, designselskap e.l. er ynskjeleg, men ikkje eit absolutt krav
• Gode kommunikasjonseigenskapar munnleg og skriftleg
• Du har gode norsk og engelsk kunnskapar munnleg og skriftleg
• Du har gode IT kunnskapar

Personlege eigenskapar

• Systematisk og strukturert
• Analytisk
• Nysgjerrig
• Sjølvstendig
• Løysingsorientert
• Gode leiar- og samarbeidseigenskapar

Vi tilbyr

• Ei engasjerande, utfordrande og sjølvstendig stilling med nyskapande og framtidsretta teknologi for ferjer og hurtigbåtar
• Godt arbeidsmiljø
• Dyktige kollegaer
• Konkurransedyktig løn, forsikring og pensjonsordning
• Fleksible arbeidsordningar
• Moglegheiter for fagleg- og personleg utvikling
• Gode velferdsordningar
• Topp moderne og nye kontorlokale sentralt i Florø