VIl du arbeide på skulen vår?

SFO - leiar - 100% vikariat

Om stillinga

Ved Lindås barneskule er det ledig stilling som SFO- leiar frå
1. juni 2024 - 31.07.2025.
Skulefritidsordninga skal vere eit tilbod kor barna møter leik, kultur og fritidsaktivitetar, i tillegg til at dei får god omsorg og tilsyn før og etter skuletid.
Det er tillagt administrasjonstid til stillinga. Stillinga er ei arbeidsleiarstilling og er ein kombinasjon av utøvande arbeid i skule og SFO slik at tilsetjinga til saman vert 100 % stilling.

Me søkjer ein person med pedagogisk utdanning, eller anna relevant erfaring og utdanning, som er engasjert, trygg, raus, tydeleg og fleksibel. Du må vere motivert for å leie og følgje opp barn og tilsette i forhold til sosial og fagleg læring i SFO.

Skulen vår har eit levande miljø med 204 elevar fordelt på 7 trinn og 11 klassar. Vi har eit team på 22 pedagogar i tillegg til dyktige fagfolk, SFO-medarbeidarar, leiing og administrasjon knytt til skulen. Skuleanlegget vårt har gjennomgått fleire oppgraderingar og framstår i dag som moderne, driftssikkert og funksjonelt.

Arbeidsoppgåver

• det daglege ansvaret for å leie og administrere SFO, påmelding, brukarlister, vaktlister, aktivitetsplanar m.m.
• utarbeide årsplanar og vekeplanar med mål og innhald for SFO- tida
• sikre at SFO- tilbodet er i tråd med Opplæringslova med forskrifter, føresegner, avtalar, vedtekne retningslinjer og planar som gjeld
• vere ein del av skulen sitt leiarteam
• ha ansvar for personalmøte og andre møte med tilsette og heimane
• leggje til rette for eit godt samarbeid med heimen
• leie SFO- tilbodet som eit fritidstilbod som vert sett i heilskap med skulen si verksemd
• ansvar for vikarhenting ved fråvær i SFO- tida

Kvalifikasjonskrav

Kompetanse

• pedagogisk utdanning på bachelornivå eller anna relevant utdanning
• annan kompetanse kan og vere aktuell, til dømes fagbrev i barne- og ungdomsarbeid
• fordel med tidlegare erfaring frå SFO- drift, skule, eller anna pedagogisk verksemd
• må handtere bruk av ulike dataprogram i forhold til sakshandsaming, planarbeid m.m.
• ønskjeleg med administrativ erfaring og erfaring som arbeidsleiar
• utdanning/erfaring i forhold til elevar med spesielle behov.

Personlege eigenskapar

Vi søkjer ein SFO- leiar som er engasjert, trygg, raus, tydeleg og fleksibel. I denne jobben må ein vere løysings- og utviklingsorientert og ha vilje og evne til tett samarbeid med kollegaer og føresette. Å jobbe sjølvstendig, ha stor innsatsvilje og ha evne til å inspirere vert viktig i arbeidet med å utvikle SFO- ordninga vår. Å ha ei evne og eit fokus på å byggje relasjonar til barn og vaksne er avgjerande i jobben.

I tråd med opplæringslova vert det stilt krav om politiattest ved tiltrede

Vi tilbyr

• Eit godt arbeidsmiljø der du kan trivast og utvikle deg.
• Løn etter avtale, basert på dine kvalifikasjonar.
• Pensjonsordning gjennom KLP (Kommunal Landspensjonskasse).
• Gode arbeidsvilkår i tråd med gjeldande lov- og avtaleverk.