Landbruksrådgjevar

Arbeidsgiver: Øystre Slidre kommune
Stillingstittel: Landbruksrådgjevar
Frist: 04.06.2024
Ansettelsesform: Fast

Eininga Næring, Plan og Byggesak i Øystre Slidre kommune har ledig stilling som landbruksrådgjevar. Vår viktigaste oppgåve innan landbruksforvaltninga er å ta vare på landbruket, herunder areal- og produksjonsgrunnlaget, miljøet og naturgrunnlaget på ein berekraftig måte.
Øystre Slidre kommune er ei landbrukskommune med ca. 140 årlege søknadar om produksjonstilskot og ca. 125 søknadar om regionalt miljøtilskot (RMP). I Øystre Slidre er det både erfarne og nyetablerte gardbrukarar med gode idear og kreativitet. Det er eit sterkt grovfôrbasert husdyrmiljø i kommunen.
Vår noverande landbruksrådgjevar skal gå av med pensjon, og vi er på jakt etter ein erstattar. Me ser etter deg som har interesse for landbruket, natur og miljø, og som kan bidra til god kvalitet i kommunen sitt forvaltningsarbeid på dette området.

Arbeidsoppgåver

Rådgjeving og sakshandsaming etter landbrukslovgjevinga med forskrifter, her under blant anna jordlovsbehandlingar og konsesjonssaker
Rådgjeving, saksbehandling og kontroll innan tilskotsforvaltning
Næringsutvikling innan tradisjonelt landbruk og tilleggsnæringar
Miljøforvaltning, forvaltning av kulturlandskap og naturmangfald
Landbruksfagleg innspel i planprosessar og byggesak
Oppdatering av arealressurskart (AR5)
Utarbeide planar innan fagfeltet, til dømes beitebruksplanar og SMIL-strategiar

Kvalifikasjonar

Landbruksfagleg utdanning på universitets- eller høgskulenivå, relevant erfaring/praksis kan vega opp for utdanningskrav
Erfaring innan feltet er ynskjeleg
Kjennskap til aktuelt regelverk og offentleg forvaltning
Gode IKT og GIS-kunnskapar
Interesse for og vilje til å setja deg inn i og læra nye fagfelt
Førarkort klasse B

Personlege eigenskapar

Positiv, sjølvstendig og gode kommunikasjons- og samarbeidsevner
Fleksibel, tydeleg løysingsorientert
God munnleg og skriftleg framstillingsevne
Engasjert og tek initiativ

Vi tilbyr

mange og varierte arbeidsoppgåver
kompetanseutvikling
nødvendig opplæring og rettleiing
godt samarbeid mellom fagfelt, med engasjerte og fagleg dyktige medarbeidarar
lønn etter avtale
gode forsikrings- og pensjonsvilkår i KLP

Om arbeidsgiveren

Nasjonalparkkommunen Øystre Slidre ligg ved inngangsporten til Jotunheimen, med Beitostølen som et naturleg utgangspunkt. Vegen er kort til toppturar både sommar og vinter.
Friluftsliv, jakt, fiske og stølsliv er viktig i kommunen. Du finn mellom anna deler av Langsua nasjonalpark, eit stort turløypenett og milevis med skiløyper i heile kommunen. På Valdresflye varar skisesongen lenge. Velkommen til rein naturglede!
Reiseliv og jordbruk er blant dei største næringane, og det finst spanande arbeidsplassar innan fleire bransjar.Øystre Slidre har dei siste åra hatt vekst i folketallet.
Øystre Slidre kommune skal tilby gode tenester til innbyggarar og tilreisande i alle aldersgrupper. Nytt og moderne helsetun stod ferdig i 2021. Eit rikt kulturtilbod, eit godt tilbod til barn og unge og ein unik dugnadsånd er med på å gjere kommunen til ein attraktivt stad å bu.
Gode handelstilbod finn ein både i kommunen og rundt regionsenteret Fagernes.
Vil du vite meir om Valdres? Vi har unik natur, kultur og er ein attraktiv region, sentralt i Norge. Les meir på valdres.no.

Sektor: Offentlig
Sted: Bygdinvegen 1989, 2940 Heggenes
Bransje: Offentlig administrasjon,; Jordbruk og skogbruk
Stillingsfunksjon: Saksbehandler,; Rådgivning
Arbeidsspråk: Norsk