Inaktiv

Reinhaldsoperatør/Reinhaldar-SNR (Sjukehuset i Nordmøre og Romsdal)

Arbeidsgiver: Helse Møre og Romsdal HF
Stillingstittel: Reinhaldsoperatør/Reinhaldar-SNR (Sjukehuset i Nordmøre og Romsdal)
Frist: 31.05.2024
Ansettelsesform: Fast

Det nye SjukehusetNordmøre og Romsdal (SNR)skal stå klart våren 2025 som nytt felles akuttsjukehus på Hjelset inkludert psykiatri- og habiliteringstenester (SNR Hjelset). I Kristiansund skal det vere polikliniske tenester, dagbehandling og dagkirurgi (SNR Kristiansund).
Sjukehus og helseinstitusjonar har spesielle krav til reinhald og hygiene som skal tilfredstillast. Nye flotte bygg og moderne utstyr og maskiner skal takast i bruk for eit godt og miljøvennleg reinhald. Seksjon for reinhald vart etablert i april 2024, og reinhaldstenestene i SNR skal utførast i eigen regi frå 1.oktober 2024.

Vi skal tilsette fleire reinhaldsoperatørar/reinhaldarar både i faste og midlertidige stillingar.

Vi søkjer personar som har interesse og brenn for reinhaldsfaget, og i tillegg ynskjer å vere ein del av eit stort fagmiljø. Det er behov for tilsette ved Molde sjukehus, Kristiansund sjukehus, SNR Hjelset og ved Distrikstpsykiatriske senter (DPS) i Kristiansund og Molde.

Klinikk for drift og eigedom er organisert i tre avdelingar med underliggande seksjonar. Seksjon for reinhald høyrer til avdeling for kjøkken og internservice.
Tenestene skal støtte opp om god og trygg pasientbehandling.

Vitnemål, attestar/tenestebevis, fagbrev må scannast og lastast opp som vedlegg til søknad/CV.

Arbeidsoppgåver

Utføre reinhald i samsvar med reinhaldsplan (CleanPilot)
Dagleg og periodisk reinhald
Vedlikehaldsoppgåver
Smittereinhald
Akuttreinhald
Hovudreinhald
Vindusvask
Dag-, kvelds-, og helgevakter

Kvalifikasjonar

Nødvendig:

Må ha gode norskkunnskapar munnleg og skriftleg
Erfaring innan reinhaldtenester
God teknisk forståing

Ynskjeleg:

Fagbrev som reinhaldsoperatør
Erfaring frå reinhald i sjukehus
NS INSTA 800

Personlege eigenskapar

Personlege eigenskapar vert vektlagde:
Strukturert
Proaktiv
Sjølvstendig, systematisk og engasjert
God på kommunikasjon og samarbeid
Tåler høgt arbeidstempo
Taklar fleire oppgaver om gongen
Profesjonell og serviceinnstilt i møte med kollegaer, pasientar og leverandørar

Vi tilbyr

Sterkt tverrfagleg samarbeid
Ein inkluderande arbeidsplass
Løn etter gjeldande overeinskomstar
Spennende jobb med varierte arbeidsoppgaver i ein stor organisasjon
Medlemskap i god offentleg pensjonsordning og fordelaktige forsikringsvilkår

Om arbeidsgiveren

Vil du gjere ein forskjell? Vi i Helse Møre og Romsdal (HMR) gir spesialisthelsetenester til alle innbyggjarane i fylket. Med våre omlag 6500 tilsette er vi ein skapande og nytenkande organisasjon som kvar dag står på for at pasientane skal få best mogleg helsetenester. Vi har ei leiande rolle innan forsking og utdanning, og har sterke fagmiljø knytt til teknisk drift, økonomi og HR. Sjukehusa i HMR er i Volda, Ålesund, Molde og Kristiansund. Nytt felles akuttsjukehus for Nordmøre og Romsdal er under bygging på Hjelset i Molde kommune, og skal stå klart for innflytting våren 2025. I Kristiansund vert det vidare eit breidt spesialisthelsetenestetilbod med poliklinikk, dagbehandling og dagkirurgi. I tillegg har vi behandlingsinstitusjonar innan rehabilitering, psykisk helsevern og rusbehandling. Det vert lagt til rette for gode og inkluderande arbeidsmiljø prega av openheit og respekt. Vi vil at våre tilsette skal spegle mangfaldet i befolkninga. Difor oppmodar vi alle som er kvalifiserte til å søkje hos oss, uavhengig av kjønn, alder, funksjonshemming, nasjonal eller etnisk bakgrunn. Det same gjeld om du har hatt eit lengre opphald i arbeidslivet. Helse Møre og Romsdal er underlagt offentleglova. Vi arbeidar for meiroffentlegheit, og søkarlista til stillinga kan bli offentleggjort. Ein kan be om unntak frå offentleg søkarliste. Unntak skal grunngjevast frå søkar si side. Arbeidsgivar vil vurdere ei slik oppmoding, og søkar vert kontakta om oppmodinga ikkje vert tatt til følgje.
Uansett kva stilling du vert tilsett i, så skal vi bidra til at du får utvikle deg og kompetansen din. Bli med på laget! For meir informasjon om helseføretaket, sjå Helse Møre og Romsdal

Sektor: Offentlig
Antall stillinger: 20
Sted: 6450 Hjelset
Bransje: Renovasjon og renhold
Stillingsfunksjon: Renhold
Arbeidsspråk: Norsk