Vil du jobbe med studenter som tar høyere utdanning innenfor helsefag?

Eksamenskoordinator

Om stillinga

Universitetet i Stavanger har ledig fast stilling som eksamenskoordinator ved Det helsevitskaplege fakultet, fakultetsadministrasjonen. Stillinga er ledig frå 1. august 2024.

Som eksamenskoordinator vil du få ein variert, spennande og travel kvardag der du jobbar tett på studentar som tar høgare utdanning innanfor helsefag. Du vil få koordineringsansvar for eksamen på emne/studieprogram innanfor helsefag, i tett samarbeid med dei vitskapleg tilsette og øvrige tilsette ved fakultetet.

Vi ser etter deg som er ein naturleg relasjonsbyggar, har evna til klar kommunikasjon og som er komfortabel med å ta sjølvstendige avgjerder. Du bør også vera strukturert og trivast med å jobba i ulike digitale system og verktøy. Vi tilbyr eit arbeidsmiljø med høg takhøgd, som er oppteken av godt samarbeid og å hjelpa kvarandre. Vi engasjerer oss for studentane og liker å ta del i alt det spennande som skjer på Det helsevitskaplege fakultetet. (https://www.uis.no/nb/det-helsevitskaplege-fakultet)

Hovudoppgåver

• delta i planlegging og avvikling av eksamen
• informere og rettleie studentar om plikter og retter etter lov og regelverk
• saksbehandle og følge opp klagesaker om sensur og karaktersetting
• registrere eksamensresultat
• utarbeide kontraktar med sensorar
• etablere og ha oversikt over eksamensplanen til fakultetet
• utviklingsoppgåver innanfor ansvarsområdet, inkludert effektivisering og digitalisering

Kvalifikasjonar

Du må ha:

• høgare utdanning på minimum bachelor-nivå innanfor relevant fagområde. Særskilt relevant erfaring kan kompensere for utdanningskravet.
• relevant erfaring frå offentleg forvaltning
• erfaring med bruk av relevante IT-verktøy, så som FS og Inspera
• god munnleg og skriftleg framstillingsevne på norsk og engelsk

Vidare blir det lagt vekt på at du:

• er strukturert og målretta
• har gode relasjonelle eigenskaper
• er serviceinnstilt, fleksibel og imøtekommande
• har gode samarbeidsevner og kan arbeide sjølvstendig og effektivt
• er proaktiv og tar ansvar for gjennomføring av gode arbeidsprosessar

Vi tilbyr

• varierte arbeidsoppgåver i ein stor organisasjon med eit viktig samfunnsoppdrag
• ein ambisiøs arbeidsfellesskap og eit inkluderande arbeidsmiljø
• løn som førstekonsulent etter Statens lønnsregulativ l.pl 90.103, kode 1408, kr 460 000 - 550 000 bto pr år. I særskilte tilfelle kan høgare løn bli vurdert. Frå løna vert det trekt lovfesta innskot til Statens pensjonskasse.
• medlemskap i Statens pensjonskasse (http://www.spk.no) som sikrar gode pensjons- og forsikringsordningar
• meir om gode for tilsette og fordelar (https://www.uis.no/nb/ny-ved-uis) på våre nettsider

Mangfald

Mangfald er ein ressurs i arbeids- og læringsmiljøet ved UiS. Når vi har ulike bakgrunnar og erfaringar, kan vi sjå utfordringar frå fleire vinklar og finne betre løysingar.

På UiS er vi opptatt av å vise respekt for kvarandre med dei ulikskapane vi har, og vi legg til rette for tilsette med nedsett funksjonsevne. Vi tek omsyn til behova dine og situasjonen din i ulike livsfasar.

Om du synest stillinga er interessant, oppmodar vi deg til å søkje, uavhengig av kjønn, funksjonsevne, kulturell bakgrunn eller om du har vore utanfor arbeidslivet ei tid.

Er det kvalifiserte søkjarar med funksjonsnedsetjing, hol i CV-en eller innvandrarbakgrunn, kallar me minst inn éin søkjar i kvar av desse gruppene til intervju. Kjenne du deg igjen i ein av desse kategoriane, kan du kryssa av i jobbsøkjarportalen vår.

Les meir om krava for å bli vurdert som søkjar i desse gruppene her (https://www.uis.no/nb/om-uis/jobb-ved-uis-sokeprosessen#/).

Universitetet vil rekruttera fleire menn til avdelinga og oppmodar derfor spesielt menn til å søke. Dersom fleire søkjarar vert vurdert til å ha likeverdige kvalifikasjonar, vil ein mann bli prioritert føre ei kvinne.

Kontaktinformasjon

Spørsmål om stillinga kan rettast til fakultetsdirektør Arne Endresen, tlf: 51831557, e-post: arne.endresen@uis.no.

Spørsmål om tilsetjingsprosessen kan rettast til senior HR-rådgjevar Helene Engelsgjerd Figved, tlf: 51831558, e-post: helene.e.figved@uis.no.

Søknad

Søk på stillinga elektronisk via "Søk stillinga" på denne sida. Her vert minimum søknadsbrev, relevant utdanning og arbeidserfaring samt språkferdighetar registrert. I søknadsbrevet må du få fram kva kompetanse og motivasjon du har for stillinga.

Ein meir utfyllande CV, vitnemål, attestar og eventuelt annan dokumentasjon som du vil det skal tas omsyn til ved vurdering av søknaden, må lastas opp som vedlegg. Dokumentasjonen må finnast på eit skandinavisk språk eller engelsk. Dersom vedlegga overskrid 30 MB til saman, må dei komprimerast før opplasting.

Søknaden vert vurdert ut frå informasjonen som er tilgjengeleg i Jobbnorge ved søknadsfristen. Sørg derfor for at søknaden tydeleg viser korleis evnene og erfaringane dine oppfyller kompetansekrava som det er skrive om over.

Vi gjer merksame på at opplysningar om søkjar kan bli offentleggjorde sjølv om søkjer har bedd om ikkje å bli oppført på offentleg søkjarliste, jf offentleglova § 25 (https://lovdata.no/lov/2006-05-19-16/§25). Dersom ønsket ditt ikkje blir tatt til følgje, vil du bli varsla om dette.

UiS vurderer berre søknadar og vedlegg som er registrert i Jobbnorge.