Rektor
Tysnes kommune
- Frist 30.05.2024
- Ansettelsesform Vikariat
Vil du vera med å utvikla skulen vår?
Me søkjer etter ein utviklingsorientert og samlande rektor, som kan bidra til læringsutbytte og trivnad for alle elevane og dei tilsette på skulen.Onarheim skuleer ein fådelt skule medca.30 elevar på 1.-7. årstrinn og5 tilsette. Det er SFO-tilbod ved skulen.Rektor har ein adm.ressurs på ca. 50%, resten av stillinga er undervisning.
Rektor rapporterar til kommunalsjef for oppvekst, og er med i leiargruppa. Det vert samstundes halde jamlege rektormøter med fokus på samarbeid og felles utvikling av Tysnesskulane. Søkjar må vere oppdatert rundt tema om skuleutvikling og læreplanforståing, og ha evne til å bruke denne kunnskapen i utviklinga av skulen og samarbeid med andre. Me har stort fokus på utvikling og samarbeid rundt heile oppvekstområde.
Stillinga er ledig for skuleåret 24/25.
Arbeidsoppgåver
- Overordna ansvar for den daglege drifta.
- Leia skulen slik at det fremjar eit gode arbeids- og læringsmiljø for elevar og tilsette.
- Ansvar for personal og økonomi.
- Utvikle eit godt skule-heim-samarbeid.
- Samarbeid med andre skular og tenesteområder.
- Ansvar for god informasjonflyt internt og eksternt.
- Undervisningsplikt.
Kva kompetanse er viktig i denne stillinga?
- Pedagogisk kompetanse og erfaring frå undervisning.
- Leiarerfaring.
- Kjennskap til lov og avtaleverk.
- God system- og rolleforståing.
- Kommunisera godt, både skriftleg og munnleg. Skriftspråket i Tysnes er nynorsk.
Før tiltreding må det leggast fram politiattest i tråd med opplæringslova § 10-9.
Kva ser me etter hos deg?
Me søkjer etter deg som får god tillit og relasjon til elevar, foreldre og tilsette. Det er viktig at du har gode samarbeidsevner og er ein dyktig problemløysar. Ein lærande og nysgjerrig leiar som har stor arbeidskapasitet og gjennomføringsevne. Du må være opptatt av systematisk kvalitetsutviklingsarbeid, personalutvikling og ha evne til å lytte, samarbeide, motivere og engasjere.
Me legg stor vekt på personlege eigenskapar og referansar, i tillegg til den formelle kompetansen.
Kvifor skal du velja oss?
Blir du blir motivert og engasjert av å arbeida i eit læringsfellesskap, som jobbar for å gje alle elevane våre ei oppleving av å meistra og høyra ti?l Då trur me at du vil trivast hos oss! Me er oppteken av det samla samfunnsoppdraget til skulen og korleis me kan utøva det best mogleg for elevar og tilsette. I rektorgruppa har me eit godt og støttande profesjonsfellesskap, som jobbar tett om skuledrifta, utvikling og satsingsområde. Me er oppteken av at alle i Tysnesskulane skal oppleva å vera ein del av eit sterkt prosesjonsfellesskap med gode relasjonar til elevane, og jobbar for å bygga gode team og med å nytta den interne kompetansen best mogleg.
Tilsetjing hos oss gjer deg medlemskap i SPK - Statleg pensjonskasse. Det betyr blant anna at du får ei av dei tryggaste pensjonsordningane i Noreg, samt høve til å søkja om bustadlån med gunstige vilkår.
Stillinga er lønsplassert i kapittel 3.4.2, med årlege lønsjusteringar etter lokale forhandlingar. Stillinga er unormert og det vert såleis tildelt 5 kompensasjonsdagar per år.
Mangfaldserklæring
Tysnes kommune ønskjer å spegla mangfaldet i befolkninga i rekrutteringa vår. Me oppmodar alle som erkvalifiserte til å søkja ledige stillingar uansett kjønn, alder, funksjonshemming og fleirkulturell bakgrunn.Det same gjeld dersom ein har hatt eit lengre opphald frå arbeidslivet. Me ønskjer å leggje til rette forinkluderande rekruttering.
Om arbeidsgiveren
Tysnes er ein sentralt øykommune sør for Bergen, og om du spør oss: verdas beste kommune å veksa opp i!
Når me tel med store og små, er me i dag omlag 2900 godlyndte innbyggjarar i Tysnes. Tysnes kommune har ca. 330 tilsette innan helse- og omsorg, skule og barnehage, tekniske tenester og offentleg administrasjon. Me er oppteken av å skapa gode arbeidsplassar og gjere Tysnes til ein god stad å leva og bu i.
Tysnes er ein hjarteforma kommune nord i Sunnhordland. Perfekt for deg som er på jakt etter ein roleg og eventyrleg livsstil. Me har kort veg til kringliggande byar, og me trur du vil bli overraska over kor mykje kystkommunen har å tilby.
Me har flotte badeplassar og skianlegg på fjellet, frodig natur og skiftande landskap. Frå høgfjell til idylliske hamner, med gode moglegheiter for friluftsliv.
Eit rikt lags- og organisasjonsliv gjer eit variert fritidstilbod til både vaksne og unge. Småskalaprodusentar byr på ekte og økologiske smaksopplevingar. Øya byr på eit riktig kulturliv gjennom heile året, med Tysnesfest om sommaren som den største.
Sentralt plassert, men likevel langt nok unna kjaset og maset til bylivet. Det betyr at du kan nyta frisk luft, kulturelle storhendingar og avslappande ro. Med uendelege høve til å utforska fjell og fjord, er Tysnes den perfekte staden å kalla heim.
- Sektor: Offentlig
- Sted: 5694 Onarheim
- Bransje: Barn, skole og undervisning
- Stillingsfunksjon: Lærer/Lektor, Rektor / Ass. Rektor, Undervisning og pedagogikk
- Arbeidsspråk: Norsk
- FINN-kode 353020503
- Sist endret