Ønskjer du å arbeida med samhandling, prosjekt og innovasjon innan helse og omsorgstenesta i Region Nordhordland?

Arbeidsoppgåver

• Vera kommunane i Region Nordhordland sin ressurs i Samarbeidssekretariatet, og i samarbeidet og samhandlinga mellom kommunar og sjukehus i Helse Bergen HF sitt føretaksområde (helsefellesskapet)
• Samarbeidssekretariatet er eit bindeledd i samhandlingsstrukturen mellom primær- og spesialisthelsetenesta. https://saman.no/
• Leia eller delta i utviklingsarbeid /prosjekt på vegne av samarbeidspartane
• Koordinera eller delta i samarbeid, samhandling og innovasjon mellom samarbeidspartane og andre kompetansemiljø, og i utviklingsprosjekt saman med forskings- og utdanningsinstansar
• Deltaking i ulike råd og grupper internt i Region Nordhordland (bl.a. sekretariatfunksjon), og vera med å sikra medverknad og involvering med alle samarbeidskommunane
• Bidra med å fremja søknader om eksternfinansiering av prosjekt på tvers av samarbeidspartane
• Rådgjevarfunksjon når det gjeld helse- og omsorgsrelaterte spørsmål inn mot dagleg leiar
• Bidra i andre fagområde som selskapet jobbar med

Kvalifikasjonar

• Høgare utdanning på bachelor. Særs relevant erfaring kan kompensera noko for manglande utdanningsnivå
• Erfaring / kunnskap om samhandling og samarbeid innan helse- og omsorgssektoren i kommunar og sjukehus
• Erfaring med leiing og koordinering av utviklingsprosjekt
• Kunnskap om organisering av helsetenestene i landet og relevante overordna føringar innan fagfeltet
• God skriftleg og munnleg formidlingsevne, og kan skrive formelle saker og referat
• Handterer godt digitale plattformer som Microsoft 365 og til dømes Microsoft Teams

Personlege eigenskapar

• Du er utviklingsorientert og engasjert, har høg arbeidskapasitet og stor gjennomføringsevne
• Du er strukturert, initiativrik og har evne til å jobba sjølvstendig og driva prosjekt / prosesser framover
• Du er opptatt av kvalitet i prosess og resultat - og har evne til konsentrasjon og fokus og rett prioritering i ein hektisk kvardag
• Du er løysingsorientert og har gode kommunikasjonseigenskapar og evne til skapa gode relasjonar og samhandling på tvers av organisasjonar
• Du trivest i eit utviklingsorientert miljø som kontinuerleg er under endring
• Du er positiv og bidrar til godt arbeidsmiljø

Me tilbyr:

• 100 % stilling
• Ein nøkkelrolle innan samhandling og utvikling av framtidsretta helse- og omsorgstenester i Region Nordhordland
• Moglegheit til å arbeida fleksibelt og fagretta med mange målgrupper
• Spennande arbeidsoppgåver med gode moglegheiter til fagleg og personleg utvikling

Organisering / arbeidsstad:

Tilsetjing vil vera snarast mogeleg. Du vert tilsett i Region Nordhordland IKS, i eit kjekt og operativt arbeidsmiljø. Selskapet har fleksibel arbeidstid og gode pensjons-, forsikrings- og låneordningar i KLP. Lønn etter avtale. Kontorstad er Knarvik. Kandidatar må ha sertifikat og disponera bil.

I samsvar med Offentlegheitslova § 25 kan opplysningar om søkjarar bli offentleggjort sjølv om søkjaren har bede om å ikkje bli ført opp på søkjarlista. Dei det gjeld, vil bli kontakta dersom offentleggjering vert aktuelt.

Du finn meir informasjon om Region Nordhordland IKS på vår heimeside www.regionnordhordland.no