Vil du skape magiske opplevingar i Oseana, og sette ditt preg på kulturlivet i regionen?
- Arbeidsgiver
- OSEANA KUNST- OG KULTURSENTER BJØRNAFJORDEN KF
- Stillingstittel
- Produsent
- Frist
- 30.05.2024
- Ansettelsesform
- Fast
Stormande jubel og magisk stille. Ruvande latter og trillande tårer. I Oseana brenn vi for å skape minneverdige augeblink. Aldri før har Bjørnafjorden si storstove fylt fleire sete – og no er eit av dei ledig.
Etter 13 år som tilsett i Oseana, er tida snart inne for at vår arrangementssjef skal gå av med pensjon. Vi har på bakgrunn av dette oppretta ei ny og spennande stilling som produsent.
Som produsent i Oseana vil du spele ei nøkkelrolle i detaljplanlegging og avvikling av våre arrangement. Vi er på utkikk etter deg som får ting til å skje, samstundes som du evnar å halde i fleire prosessar.
I tillegg til å vere dyktig på koordinering, skapar du entusiasme og får folk med deg. Du er fagleg sterk, operativ og løysingsorientert. Du motiverast av å finne dei beste løysingane og skape uforgløymelege augeblink for vårt publikum.
Vi har over 100 kulturarrangement i året. Som produsent hos oss må du derfor sjonglere mellom ulike arbeidsoppgåver og vere til stades både i stort og smått. Dette krev både fleksibilitet og struktur, samt at det må påreknast noko arbeidstid også på kveld/helg.
Ansvarsområde
- Planlegging og koordinering av alle arrangement i samarbeid med programansvarleg
- Tett kundeoppfølging, heilt frå booking til evaluering og oppgjer
- Avvikling av kulturarrangement
- Utarbeide tilbod og kontraktar
- Delta i og leie produksjonsmøter
- Tett samarbeid med marknadsføringsansvarleg og teknisk produsent
Ønska kvalifikasjonar
- Treårig relevant høgskuleutdanning (anna relevant utdanning eller bransjeerfaring kan kompensere)
- Kunnskap og erfaring frå kulturproduksjon og arrangementavvikling
- Gode datakunnskap
- God budsjettforståing og evne til kostnadskontroll
- Detaljorientert og systematisk
- Kjennskap til norsk kulturpolitikk og statlege støtteordningar
- Kommersiell forståing
- God skriftleg og muntleg framstillingsevne på norsk og engelsk
Korleis er det å jobbe i Oseana?
Som vår nye kollega, vil du bli møtt av eit sosialt arbeidsmiljø med engasjerte kollegaer som brenn for å skape det beste kulturtilbodet for våre kunder. Vi legg vekt på å skape eit miljø der latter og trivsel er ein naturleg del av arbeidsdagen!
Vi kan elles nemne:
- Fridom under ansvar
- Fleksible arbeidstider
- Gode pensjons- og forsikringsordningar
- Variert arbeidsdag: med over 100 arrangement i året, er ingen dagar like!
- Parkeringsplass i garasje
- Enkelt treningsrom
- Løn etter avtale
Oseana er ein arbeidsplass i magiske omgivnadar, på vakre Mobergsneset i Os - med ein slåande utsikt over Bjørnafjorden og majestetiske fjelltoppar.
Bli med i vårt team på Oseana – og sett ditt preg på kulturlivet i regionen!
Spørsmål om stillinga kan rettast til Direktør Ole Tobias Lindeberg +47 932 57 024.
Søknadsfrist: 30.05.2024 - send gjerne søknad i god tid før fristen.
Oppstartsdato er 01.10.24
Om arbeidsgiveren
Oseana kunst- og kultursenter er eit kommunaleigd kulturhus i Os. Fordelt på 5 800 kvadratmeter finn du kultursal, restaurant, kunstutstilling og lokale til kurs, konferansar, møte og selskap. Sjå www.oseana.no
- Sektor
- Offentlig
- Sted
- Mobergsbakken 20, 5200 Os
- Bransje
- Event og arrangementer,
- Kunst og kultur,
- Musikk
- Stillingsfunksjon
- Koordinering,
- Planlegger,
- Prosjektledelse
- Arbeidsspråk
- Norsk
Nøkkelord
kunst, musikk, kultur, ryddig, planlegging
Spørsmål om stillingen
- Kontaktperson
- Ole Tobias Lindeberg
- Stillingstittel
- Direktør
- Mobil
- 93 25 70 24
Mobergsbakken 20, 5200 Os