Spanande jobb i H2 Hardanger!

Prosjekt- og/ eller byggjeleiar

Ledig inntil 2 stk faste stillingar som prosjekt- og/ eller byggjeleiar.

Om stillinga

H2 Hardanger har god vekst og over tid hatt god ordretilgang som dannar solid grunnlag for 100 % faste stilling som prosjekt- og/ eller byggjeleiar. Stillinga inngår i gruppe for prosjektadministrasjon, og du vil bli ein del av eit solid team samansett av prosjekt- og byggjeleiarar.

I nokre prosjekt vil stillinga vere knytt til byggherre sin organisasjon gjennom konsulentoppdrag. I andre prosjekt vil den vere knytt til entreprenørsida som representant for Fuglafjell AS (FF). FF er ein totalentreprenør samansett av bedriftene H2 Hardanger, Tecno VVS og Johs Øvsthus AS.

Aktuelle kontorstader er Norheimsund, Voss og Bergen.

Arbeidsoppgåver

• Vere bindeledd mellom utførelse på byggeplass og byggherre
• Framdriftsplanlegging og -koordinering
• HMS arbeider og kvalitetskontroll på byggjeplass
• Bistå i å utarbeide SHA-plan, HMS-plan, kvalitetsplan og evt. konkurransegrunnlag
• Organisere, gjennomføre og referere framdriftsmøter, byggjemøter, byggherremøter m.m
• Avhengig av kompetanse og interessefelt kan også roller som prosjekterande, prosjekteringsleiar, prosjekteringsgruppeleiar og KP/KU/BHR vere aktuelle

Kompetansekrav

Fortrinnsvis 3-årig utdanning frå høgskule eller universitet innanfor bygg og anlegg. Personar med utdanning frå fagskule eller som har lang erfaring innanfor relevante fagfelt i høve prosjekt- og byggjeleiing kan også vere aktuelle kandidatar.

Førarkort kl B, naudsynt IT-kompetanse for oppfølging og rapportering, samt god muntleg og skriftleg framstillingsevne på norsk er ein føresetnad for stillinga.

Personlege eigenskapar

Personlege eigenskapar er avgjerande for å lukkast i stillinga, og vil bli tillagt stor vekt. Me vektlegg at du innehar fylgjande eigenskapar:

• Gode kommunikasjons- og samarbeidsevner
• Sjølvstendig, løysingsorientert og initiativrik
• Har god struktur i arbeidet
• Har erfaring frå bygg- eller prosjektleiing

Kvifor velje H2 Hardanger

Du vil bli del av ei bedrift med god vekst og høgt aktivitetsnivå. Me har eit uformelt arbeidsmiljø og korte beslutningsvegar. Rette personar vil kunne få stor medverknad på vidare utvikling. Du vil få utfordrande arbeidsoppgåver innafor eit breitt spekter av fagområder, samt moglegheit til vidare utvikling både fagleg og personleg.

Me tilbyr også desse goda:

• Fleksibel arbeidstid og gode ordningar for avspasering
• Fast ferie mellom jul og nyttår
• Gode lønsvilkår, forsikring og pensjonsordning