VIl du arbeide på skulen vår?

Miljørettleiar - 100% fast

Om stillinga

Vi søkjer etter ein engasjert miljørettleiar i 100% stilling. Stillinga er nyoppretta, og vi søkjer etter ein fagperson som kan vera med å utvikla og forma jobben. Du må brenna for arbeid med skulemiljøet til elevane, ha høg relasjonskompetanse og eit positivt elevsyn.

Stillinga vil ha hovudfokus på å gje elevar, og føresette, rettleiing og støtte i saker knytt til skulemiljø, §9a, skulefråvær, utvikling og gjennomføring av tiltak retta mot å styrkja den sosiale kompetansen til elevane og førebyggja konfliktar og mobbing.

Du er med på å halda oppe og vidareutvikle læringsmiljøet ved skulen, ved å legge til rette for trivsel, inkludering og sosial læring, med respekt for og forståing av ulike bakgrunnar og kulturar.

Meland ungdomsskule ligg sentralt på Frekhaug, med kort avstand til Bergen og enkel tilgang til kollektivtransport som buss og hurtigbåt. Skulen vår har ein stolt historie og ei utruleg utsikt over fjorden og naturen som omgir skuleområdet. Med omtrent 200 elevar og eit personale på vel 30 dyktige medarbeidarar, er skulen vår prega av mangfald og fellesskap.

Vi er stolte over å vere ein MOT-skule med stort fokus på eit positivt og støttande læringsmiljø, der vi har som mål å skapa ein trygg og triveleg skulekvardag for alle våre elevar. For at elevane skal få eit godt grunnlag for å meistra livet sitt vidare, satsar vi på utvikling av sosiale ferdigheiter og ferdigheiter i lesing, skriving, rekning, digital kompetanse og munnlege ferdigheiter.

Inkluderande undervisning, elevmedverknad, den aktive eleven, og relasjonskompetanse er viktige satsingsområde for oss. Vi jobbar etter LK20 med fokus på organisasjonsutvikling og eit trygt profesjonsfellesskap der me reflekterer, vurderer og kontinuerleg forbetrar vår eigen praksis.

Arbeidsoppgåver

• Miljøterapeutisk arbeid på 8, 9 og 10 trinn.
• Jobbe med førebyggande arbeid. Lokalisere behov og opprette ulike gruppebaserte tiltak.
• Kunne avdekkje, undersøkje og evaluere faktorar knytt til skulemiljø, klasse, eller enkeltindivid.
• Drive oppsøkande arbeid i elevmiljøet og byggje relasjonar med ungdommar i ulike livssituasjonar. Være aktiv ute i areala til skulen så mykje og ofte som mogleg.
• Kunne delta, koordinere og leie samarbeidsmøte med føresette og andre aktuelle instansar i tett samarbeid med dei ulike trinnas avdelingsleiarar.
• Kunne drive oppsøkjande tenester retta mot elevar som ikkje møter på skulen og arbeid tett med avdelingsleiarane og pedagogar knytt til ufrivilleg skulefråvær.
• Samtalar og rettleiing med enkeltelevar og grupper.
• Observasjon, kartlegging og tilrettelegging av skulemiljø og trivsel.
• Samarbeide tett med leiinga i skulen, rådgjevar, pedagogisk personell og føresette.
• Tverrfagleg samarbeid med eksterne instansar.
• Deltaking og bidragsytar i utviklingsprosessane og ressursteama på skulen.
• Delta, og vere sentral i arbeidet til skulen med å skape og halde oppe eit trygt og godt skulemiljø og vere ein pådrivar i arbeidet med program som MOT.
• Bidra aktivt med overgang mellom barneskule og u-skole, og u-skole til vidaregåande skule.

Kvalifikasjonskrav

Kvalifikasjonar:

• Godkjent 3-årig høgskuleutdanning, fortrinnsvis vernepleiar, barnevernspedagog eller sosionom.
• God innsikt og forståing for gjeldane lovverk, særleg handtering og oppfølging av elevsaker i samsvar med opplæringslova (§9A).
• Relevant og allsidig erfaring frå grunnskule, helst frå ungdomstrinn.
• Kunnskap om og erfaring med å setje i gang tiltak basert på kartlegging og undersøkingar.
• Kunne gje og ta imot rettleiing, erfaring med å leie og koordinere arbeid.
• Kunne jobbe systematisk og strukturert.
• Du er kompetent og har erfaring med å arbeide med elevar som har helserelaterte utfordringar.
• Gode kommunikasjonsferdigheiter, både skriftleg og munnleg.
• Ønskjeleg med kompetanse i alternativ supplerande kommunikasjon (ASK).

Personlege eigenskapar

• Du er varm og inkluderande i møte med elevar.
• Brenner for arbeid med skulemiljøet til elevane.
• Høg relasjonskompetanse og gode kommunikasjons- og samarbeidsevner.
• Du er fleksibel, løysingsorientert, strukturert og har ansvarsmedvite.
• Trivst i ein aktiv og travel kvardag, men har og evne til å ha det gøy på jobb.
• Noko arbeid på ettermiddag og kveld må påreknast etter nærare avtale.
• Du er god til å skape tryggleik og gode relasjonar med elevar, føresette og kolleger.
• Vi legg stor vekt på personlege eigenskapar i rekrutteringsprosessen

I tråd med opplæringslova vert det stilt krav om politiattest ved tiltrede

Vi tilbyr

• Lønn etter avtaleverket
• Eit sosialt og inkluderande personale
• Ein positiv arbeidsplass.

Vi ser fram til å ønskje deg velkommen som ein verdifull tilvekst til vårt skule.

Søk no og bli med på å forme våre elevar sin framtid!