IKT-konsulent

Arbeidsoppgåver

• Utføre 1. linje og 2. linje support (Single Point of Contact) til sluttbrukarar med mål om å løyse flest mogeleg saker ved første kontakt (via telefon, fjernstyring, e-post og web-skjema).
• Registrere, vidaresende og følgje opp saker til eksterne leverandørar
• Proaktiv rolle til IKT-kvardagen og utvikling av service
• Bidra aktivt i den strategiske utviklinga av fagområda
• Delta proaktivt i aktuelle faglege fora som ulike fagteam og ev. prosjektgruppe

Oppgåver vil vere brukaradministrasjon, ha lisensoversikt og bestille/tildele lisensar. Støtte IKT konsulentar ute på våre vidaregåande skular. Alle våre saker blir registrert og følgt opp i vårt saksbehandlingsverktøy.

Vi ønskjer at brukarane skal kunne løyse ting sjølv, derfor er ein del av arbeidet å lage brukarrettleiingar og anna naudsynt dokumentasjon. Dei som arbeidar på service har ei viktig rolle med å avdekke gjentakande feil, og gjerne kome med forbetringsforslag.

Kvalifikasjonar

• Fagbrev i IKT-fag eller høgare
• Erfaring frå arbeidsoppgåver nemnd ovanfor
• Erfaring med ITIL rammeverk og incident manager rolla tel positivt
• Erfaring med administrering av M365 og AD/Azure AD tel positivt

Personlege eigenskapar

• Særs serviceinnstilt med fokus på brukarbehov og brukartilfredsheit
• Positiv innstilling og flink i dialogen med menneske
• Proaktiv, løysingsorientert og oppteken av å få jobben gjort til rett tid
• Omgjengeleg med gode samarbeidseigenskapar, likar å jobbe i team
• Vilje til løypande fagleg oppdatering og fornying
• God norsk skriftleg og munnleg framstillingsevne

Serviceinnstilling er viktig for at våre brukarar skal oppleve å bli ivaretatt. Dei som arbeider på service er også seksjon IKT sitt ansikt ut mot resten av organisasjonen. Vi ønskjer å møte menneska med respektfull kommunikasjon og god rådgjeving.Har du eit sterkt ønskje om å hjelpe brukarane, så trur vi også at du vil ta initiativ, finne løysingar og samarbeider godt med dine kollegar om vårt felles mål; fornøgde brukarar.

Vi tilbyr

• Stillingsnemning ingeniør/rådgjevar/spesialkonsulent/konsulent etter kvalifikasjonar og erfaring
• Løns- og arbeidsvilkår i samsvar med gjeldande avtalar i Vestland fylkeskommune
• Gode forsikring- og pensjonsordningar
• Fleksibel arbeidstid
• Faglege utfordringar og stimulerande arbeidsmiljø

Vi har eit stort IKT-miljø som vil gje deg faglege utfordringar. Tilsette i seksjon IKT har høg grad av trivsel på arbeidsplassen. Vi har ein eigen teams kanal der kven som helst kan ta initiativ til ein sosial aktivitet. Nokon har vore på paddel-tennis, andre har vore på spelekveld.

Vi har ein samling for heile avdelinga kvart år, i tillegg til ein samling pr fageining. Vi ønskjer og at våre tilsette skal utvikle seg innanfor arbeidet sitt; dette gjere vi gjennom intern opplæring eller eksterne kurs og seminar.

Andre opplysningar:

Administrasjonsmålet i fylkeskommunen er nynorsk.

Arbeidsstad Bergen.

Alle nytilsetjingar vert gjort med ei prøvetid på 6 månader.
Vi gjer merksam på at i fylgje offentleglova § 25, 2. ledd kan opplysningar om søkaren bli offentleggjort sjølv om du har oppmoda om å ikkje bli ført på offentleg søkarliste. Dersom du har bedt om unntak frå offentleg søkarliste vil du alltid bli varsla før søkarlista vert offentleggjort.