Lærar i matematikk og naturfag. 1 års vikariat.

Sotra vidaregåande skule er ein kombinert skule med ni ulike programområde innan yrkesfag og studiespesialiserande. Vi har i dag to skulestader, ein på Bildøy og ein i Skogsvåg, med 800 elevar og 150 tilsette. I tillegg er vi vaksenopplæringssenter for Askøy og Øygarden, med ca 150 vaksne elevar på ulike program.

Skulen legg vekt på å vere nyskapande og berekraftig. Vi har som mål at alle elevane fullfører skulegangen med eit høgt læringsutbytte. Skulen er eit inkluderande fellesskap der alle medverkar til fagleg og sosial utvikling. Vi har eit godt læringsmiljø der elevar og tilsette samarbeider om å skape ein læringsarena tufta på tillit og respekt for kvarandre.

Vi søkjer etter vikar for skuleåret 2024/2025 i 100% stilling i matematikk og naturfag

Arbeidsoppgåver

Undervisning i matematikk og naturfag, og eventuelle andre fag på studiespesialiserande og yrkesfaglege programområde.
Tett oppfølging av klassar og einskilde elevar.
Planlegge, gjennomføre og evaluere undervisning sjølvstendig og i samarbeid med kollegaer.
Skape og vidareutvikle eigen undervisning i samarbeid med elevar, kollegaer og skuleleiing.
Arbeide systematisk for at elevane skal lære, fagleg og sosialt.

Yrkesretting av fellesfag og tverrfagleg samarbeide.

Kvalifikasjonar

Til alle undervisningsstillingar er det krav om relevant fagleg og pedagogisk kompetanse.
Utdanning frå universitet/høgskule, som kvalifiserer for undervisning i matematikk og naturfag.
Undervisningskompetanse i fleire fag er ein fordel.
Må kunne kommunisere godt på norsk munnleg og skriftleg.

Erfaring med yrkesretting av matematikk og naturfag er ønskjeleg.

Personlege eigenskapar

Vi tilbyr

Løn etter kvalifikasjonar.
Gode forsikrings- og pensjonsordningar.
Inkluderande og godt arbeidsmiljø.
Gode moglegheiter til eiga læring og utvikling, med mentorordning for nyutdanna og nytilsette.
Du blir ein del av ein ambisiøs, nyskapande og berekraftig arbeidsplass.
Trimgrupper for tilsette.
Løn etter kvalifikasjonar.

Andre opplysningar

Sotra vidaregåande skula har to skulestader, eitt på Bildøy og eitt i Skogsvåg. (Branndalsmyra 61 og Finkelhølsvegen 10)
Administrasjonsmålet i fylkeskommunen er nynorsk. Alle tilsetjingar vert gjort med ei prøvetid på 6 månader. Den som tilsetjast må legge fram politiattest. Det kan bli undervisning på Skulestad Bildøy, Skogsvåg og Sotra Arena. Vi gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.