NDLA søker rådgivar/seniorrådgivar for innkjøp og personvern

Arbeidsoppgåver

Innkjøp

• Planlegge, leie og gjennomføre innkjøpsprosessar
• Sikre at vi følger reglane for innkjøp
• Leie og bistå med oppfølging av kontraktar og avtaleportefølje
• Rettleie og gi opplæring internt i samband med innkjøp
• Bidra til utvikling av system og innkjøpsrutinar i NDLA
• Bistå med utforming, inngåing og oppfølging av samarbeidsavtalar
• Koordinere innleigde ressursar frå innkjøpsavdelinga eller ved kjøp av eksterne konsulenttenester
  

Personvern

• Bygge rutinar og bidra til at NDLA følger reglane for personvern
• Dele kunnskap om personvern med resten av NDLA
• Gi råd til leiinga og medarbeidarar i spørsmål om personvern

NDLA er ein mindre organisasjon der alle bidrar til å løyse felles oppgåver. Det kan bli aktuelt å bistå med oppgåver knytt til personalforvaltning, arkiv, saksførebuing, sekretariatsarbeid for styret og representantskap og gjennomføring av arrangement. Oppgåver vil avhenge av behov og kvalifikasjonar.

Kvalifikasjonar

• Er utdanna jurist med kompetanse innan personvern og eller innkjøp. Du er likevel velkommen til å søke dersom du har anna relevant utdanning på masternivå
• Har erfaring og kurs frå dei aktuelle arbeidsområda
  

Personlege eigenskapar

• Er planmessig, trivst med ansvar og fridom til sjølv å sjå kva som bør gjerast på kort og lang sikt
• Er god til å formidle kunnskap og faglege råd til andre
• Gode samarbeidsevner

Vi tilbyr

• Ei fagleg utfordrande og spennande stilling med engasjerte og rause kollegaer
• Eit sterkt og inkluderande fagmiljø med fokus på samarbeid og kunnskapsdeling
• Gode moglegheiter for fagleg utvikling, inkludert deltaking på møter, seminar og kurs
• Ein fleksibel arbeidskvardag med moglegheit for noko heimekontor
• Lønn og stillingstittel etter kvalifikasjonar
• Gode forsikrings- og pensjonsvilkår

Litt meir om NDLA

• NDLA er eit fylkeskommunalt samarbeid. Vestland fylkeskommune er kontorkommune for samarbeidet. NDLA administrasjonen er ein eigen seksjon under Opplæringsavdelinga i Vestland fylkeskommune.
• Seksjonen har seks fast tilsette med kontorstad i Bergen. Nytilsett rådgivar vert tilsett i seksjonen med administrativ leiar som næraste overordna
• Vi samarbeider tett med innkjøpsavdelinga i Vestland fylkeskommune, og kjøper hjelp til anskaffingar og kontraktsoppfølging frå avdelinga.
• I NDLA arbeider det totalt 65 medarbeidarar. Dei aller fleste er pedagogar som produserer digitale læremiddel. Medarbeidarane jobbar frå heile landet, og vi bruker mykje videomøter og digitale arbeidsverktøy i arbeidskvardagen.

Meir informasjon om oss finn du på ndla.no

Andre opplysningar

Alle nytilsetjingar vert gjort med ei prøvetid på 6 månader.

I følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.